Өңірде алғаш рет «Адал жол – честный путь» сыбайлас жемқорлыққа қарсы марафоны ұйымдастырылуда. Аталған марафонды Шардара мен Мақтаарал аудандары өткізсе, эстафетаны Сарыағаштықтар жалғауда. Алдағы уақытта 15 аудан, қалалардағы әкім аппараттары мен жергілікті атқарушы органдардың қолдауымен барлық мақсатты топтардың атсалысуымен түрлі форматтағы іс-шаралар өтетін болады. Бұл туралы ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің ОҚО бойынша департаменті, Сыбайлас жемқорлыққа қарсы іс-қимыл ұлттық бюросының ОҚО бойынша департаменті өңірлік коммуникациялар қызметінде мәлімдеді.
Сонымен қатар, азаматтармен тығыз жұмыс жүргізіп, кері байланыс орнату мақсатында «Қоғамдық бақылау картасы» әзірленді. Аталған жоба аясында, белгілі әлеуметтік желілерде (Facebook, VK, Instagram және What’s up, Telegram (8-775-869-21-21) және колл-центр (8 (7252) 51-51-51) арқылы жалпы саны 27 хат келіп түскен.
Баспасөз жиынында облыстағы әдеп жөніндегі кеңестің жұмысы, мемлекеттік көрсетілетін қызметтердің жағдайы, мемлекеттік қызметтің жай-күйі де назардан тыс қалмады.
Жаңа жүйе арқасында ауысу тәртібімен тағайындау 2000 жылдарға дейінгі жағдаймен салыстырғанда 58 есе азайған.
Меритократия қағидаты шеңберінде өткізілген конкурстар нәтижесінде 165 мемлекеттік қызметші төменгі лауазымдардан жоғары лауазымдарға тағайындалған.
2018 жылдың 1 тоқсанында 2991 тест тапсырған кандидаттың 1262-і (42,1%) тесттен өткен.
Сыбайлас жемқорлыққа қарсы іс-қимыл ұлттық бюросының Оңтүстік Қазақстан облысы бойынша департаменті басшысының орынбасары А.Тастеміров департамент бойынша атқарылған жұмыстарға тоқталып өтті.
Басқарма басшысының айтуынша, Әдеп кеңесінің жұмысы құқық бұзушылықтардың алдын алуға бағытталған. Сондай-ақ, мемлекеттік қызметшілер электрондық қолтаңба арқылы электрондық қызмет алу мүмкіндігі болмаған кезде ХҚКО арқылы алуда. 2017 жылы 626 мыңнан астам адам электронды қолтаңба алса, биылғы жылдың І тоқсанында 266 мыңнан аса тұрғын осы қызмет түріне жүгінген. Бұл деген сөз халық делдалсыз электронды қызметтерді пайдалануда дегенді білдіреді.
Сондай-ақ, «ҚР Президентінің жанындағы мемлекеттік басқару академиясы» республикалық мемлекеттік қазыналық кәсіпорнының ОҚО бойынша филиалының директоры Зәуре Қабылбекованың айтуынша І тоқсанда жергілікті және аумақтық органдардан 343 мемлекеттік қызметші оқудан өткен.
Б.Жанысбаева
