Шымкент қаласының «Көрме» орталығында «Білім әлемі – 2018» атты Халықарлық көрме өз жұмысын бастады. ҚР Білім және ғылым министрлігімен ОҚО әкімдігінің қолдауымен өткізіліп отырған шараның мақсаты, талапкерлерге жергілікті және шет елдік оқу орындарында білім алу мүмкіндіктерін кеңінен түсіндіруге бағытталған. Сондай-ақ, мектептер мен колледждердің және жоғары оқу орындарының түлектері көрме арқылы оқу орындарын таңдауға және Халықаралық оқу орындарында білім алу үшін қойылатын талаптармен танысуға мүмкіндік алды.
«Білім Әлемі – 2018» халықаралық көрмесі осы салада жұмыс жасайтын жергілікті және шет елдік оқу орындары арасындағы арасындағы әріптестікті нығайту және талапкерлерге оқу орнын таңдаумен қатар екінші білім алу мүмкіндіктерін және кәсіби денгейді көтеру мүмкіндіктерін насихаттау мақсатында ұйымдастырылып отыр. Сондай-ақ, еліміз бен Шет елдік оқу орындарының жетекші оқытушылары мен мамандарынан «тікелей» ақпараттар алып, жаңаша білім беру қызметтерімен және ақпараттық технологияларды ұсынуға бағытталған. Осы ретте, Шымкент қаласында ұйымдастырылған көрмеге еліміздегі бірқатар жоғары және орта арнаулы оқу орындарымен қатар Америка, Канада, Ресей, Қытай, Франция және Чехияның оқу орындары мен халықаралық тіл үйрету ұйымдары да қатысты. Олар көрме барысында өз мүмкіндіктері мен оқытылатын мамандықтар бойынша ақпарат беріп, талапкерлерді қабылдау кезеңдері бойынша түсіндірме жұмыстарын жүргізді. Осы орайда, білім саласына арналған Халықаралық көрмені облыс әкімі Жансейіт Түймебаев құттықтау сөзбен ашып берді.
Ал, мұнан соң облыс әкімі білім саласындағы жергілікті және шет елдік оқу орындарының Халықаралық көрмесін аралады. Айта кету керек, мұнда әрбір білім беру ұйымдары өздеріндегі гранттар саны мен оқытылатын мамандықтар және өздерінде білім алудың артықшылықтары оқуға түсу талаптары бойынша ақпараттар ұсынып келген талапкерлерге жан-жақты түсіндіру жұмыстарын жүргізді. Солардың бірі талай жылдық тарихы бар Алматы университеті жанындағы «Сымбат» дизаин және технология колледжі болатын. Негізінен орта арнаулы, тігінші, дизайнер және шаштараз мамандарын даярлаумен айналысатын оқу орнына талапкерлер грант негізінде де түсе алады.
Бұл күнгі көрмеде өз мүмкіндіктері мен оқыту бағдарламаларын ұсынған ұйымның бірі «Студи Инновацион» Халықаралық білім орталығы болатын. Бүгінгі таңда Ұлыбритания, АҚШ, Канада, Чехия, Турция, Испания сынды мемлекеттермен байланыста жұмыс жасайтын орталықтың еліміздің бірнеше облыстарында арнайы бөлімшеллері жұмыс жасайды. Негізінен шет тілдерін қысқа және ұзақ мерзімді оқыту курстары арқылы, оқытатын орталық шет елде білім алғысы келетін талапкерлерге де қызмет көрсете алады.
