2018 жылы 14 ақпанда Қызылорда облысының әкімі Қ. Көшербаев Облыстың 2016 жылғы әлеуметтік-экономикалық даму қорытындысы туралы облыс жұртшылығымен есеп беру кездесуінде сөйлеген сөзінде 2017 жылы нақты атқарылған іс-шаралар туралы айтты.
Атап айтқанда:
-соңғы 2 жылда республика бойынша қысқарған мұнай өндірісінің 70 пайызы Қызылорда облысының үлесінде. Яғни, елімізде кем өндірілген 3 млн тонна мұнайдың 2,2 млн тоннасы облысқа тиесілі;
— өткен жылы өңдеу секторындағы өсім 15 пайызды құрады. Егер, ұзақ мерзімді динамикаға көз жүгіртсек, мәселен, 2012 жылмен салыстырғанда облыстың шикізаттық емес өндіріс секторындағы өнім көлемі 52 пайызға өсті, осы кезеңде республика бойынша ол бар болғаны 4-ақ пайыз болды;
-өңдеу саласындағы еңбек өнімділігі 6 есеге дейін өсті (ҚР бойынша — 2,4 ғана), ал, өңдеу өнеркәсібінің жалпы өңірлік өнімі (ВРП) құрылымындағы үлесі осы жылдары 3,5 есеге өсті (2012 жылы 2,2 пайыздан 2016 жылғы 7,8 пайызға дейін);
-индустрияландыру картасы аясында жүзеге асырылған 27 жобаның бүгінде 21-і өнім өндіруде. Жаңа кәсіпорындарда бүгінгі күні мыңнан аса адам еңбек етуде;
— салынып жатқан шыны зауытына қазірдің өзінде қондырғылардың 90 пайыздан астамы жеткізілді. Ағымдағы жылдың қазан айында оны іске қосуды жоспарлап отырмыз;
-«Бала-Сауысқандық» ванадий кен орнында тәжірибелік-өндірістік зерттеулер аяқталды. 2016 жылы кәсіпорын метаванадат аммоний мен ванадий тотығын Тайвань мен Ресейге экспорттай бастады. Метаванадат аммонийдің сынама топтамасы АҚШ-қа да жіберілді. Енді басқа да елдер нарығына шығару жолдары қарастырылуда;
-2016 жылы екі бірдей цемент зауыттарының құрылысын бастадық: Жаңақорған ауданында құрылыс цементі өндірісі және Шиелі ауданында тампонажды цемент өндірісі бойынша. Бұл екі жоба бойынша инвестицияның көлемі 74 млрд теңгені құрайды.Зауыттарды 2018 жылдың басында іске қосу жоспарланған;
— индустрияландыру Картасы аясында өндіріске испан цехының іске қосылуы нәтижесінде «Аралтұз» бүгінгі таңда өз өнімінің 60 пайызын шет елге экспорттуда. Соңғы екі жылдың өзінде зауыт Ресейдің ас тұзы нарығының 12 пайызын иеленді;
— Қызылорда қаласының индустрияландыру аймағында үш оксидтік молибден өндірісі бойынша («Тримо» ЖШС) кәсіпорын жұмысын бастайды. Кәсіпорынның өнімдері атом энергетикасы мен авиациялық-ғарыштық техникада, микро және оптоэлектроникада пайдаланылады;
-2016 жылы ауыл шаруашылығы саласында негізгі капиталға салынған инвестиция көлемі 2015 жылмен салыстырғанда 2 еседен артық өсті;
— Сыр күрішшілері ел тарихында күріштің әр гектарынан 56 центнер, ал, жекелеген шаруашылықтар 80 центнерге дейін өнім жинап, рекордтық көрсеткішке қол жеткізді. Бүгінгі таңда күріштің өнімділігі 1991 жылғы көрсеткіштерден төрттен бір бөліктен (25 пайыздан) астам жоғары.
-2016 жылы Иран елінде үлкен сұранысқа ие «Тором Хошеми» күріш сортын тәжірибелік негізде өсірдік, өнімділігі мен сапасы бойынша жақсы нәтижелерге қол жеткіздік;
-өткен жылы Шиелі ауданында қуаттылығы тәулігіне 400 литр шұбат өндіретін цех іске қосылды;
-Қызылорда қаласында жартылай фабрикат ет өнімдерінің фабрикасы, ал, Сырдария ауданында жылына 250 тонна өнім шығаратын ет комбинаты бар 10 мың бас қозы өсіретін кешен салынды;
-Республикалық инвестициялық орталық қаржысы есебінен Сырдария ауданында үйрек пен қаз өсіретін құс фермасының жобасын несиелендірдік (қазірдің өзінде осы фермада 10 мың бастан астам құс өсірілуде);
-өткен жылы аймақтық «Қызылорда» инвестициялық орталығы Кәсіпкерлер палатасымен бірлесіп, «Микробизнес-Қызылорда» пилоттық жобасын жүзеге асыра бастады. 2016 жылдың өзінде 774 млн теңгеге 124 жоба жүзеге асырылып, 400-ден астам жаңа жұмыс орындары құрылды;
-аймақтық инвестициялық орталық құрылғалы 2 жыл ішінде 1 млрд теңгеден астам қаржыға ауылдық жерлердегі 184 жоба қаржыландырылды. Нәтижесінде, ауылдық жерде 650 жаңа жұмыс орындары құрылды;
-тек соңғы төрт жылда ғана балық өндіру көлемі 65 пайызға өссе, оны өңдеу 2,5 есе, ал, балық өнімдерін экспорттау 3 есеге артты;
-2016 жылдың қаңтар айында «Байқоңыр» ӘКК қатысуымен Арал ауданының Қарашалаң елді мекенінен жылына қуаттылығы 900 тонна болатын балықты сервистік-дайындау орталығы пайдалануға берілді;
— экономика салаларында бір жылда 11 мыңнан астам жаңа жұмыс орны ашылса, оның 10 мыңға жуығы — тұрақты жұмыс орындары. Нәтижесінде, жұмыссыздық деңгейін тек қана ұстап тұрмай, оны 2016 жылдың басындағы 5 пайыздан 4,9 пайызға төмендетуге қол жетті;
