Өткен жылы облыс прокуратураcы 29 мың заңбұзушылықты анықтаған

Өткен жылы облыс прокуратурасы бір жарым мың тексеру жұмыстарын жүргізіп, нәтижесінде 29 мың заңбұзушылықты анықтаған. 14 мыңнан астам азаматтардың құқықтары қорғалған іс—шара 5695 тұлғаның жауапкершілікке тартылуымен аяқталған. Тәртіптік, әкімшілік, материалдық жазалар тағайындалған азаматтар ісінің бірәзі сот залдарынлда қаралғанын айта кету керек. Бұл туралы облыс прокуратурасында өткен брифингте кеңінен айтылды. Жиында облыс прокуроры Ибраһим Иманов 2015 жылы өңірде орын алған қылмыстық іс пен суицид жайы бізге үлкен сабақ болуы керек деп сөзін бастады. Сарыағаштағы жағдай, кәмелетке толмағандар арасындағы құқықбұзушылықты жою, ел ертеңнінің алаңсыз болуына жолдама іспетті. Адал еңбекақысын ала алмай, әділдік іздеп шырыл қаққан қазақстандық жұмысшылардың құқықтарының бұзылу деректері прокуратура органдарының араласуымен оң шешімін тапқан. Нәтижесінде жалақы қарызы 3 есеге жуық төмендетілді. Ғаламторды жайлаған жағымсыз бейнедегі сайттар мен суицидтік әсері бар 400 интернет беттері жойылды. Білім басқармасымен бірлесе бірыңғай «Cool орталық» арқылы «Кризистік орталық» өз жұмысын бастады. Жас ұрпақтың бойын жат әдеттен аулақ ұстауға бағытталған шаралардың нәтижесінде соңғы 4 жылда қылмыстық жағдай 2 есеге азайды. Қауіпсіздік талаптарына сай келмейтін 22 жосықсыз жолаушы тасымалдайтын серіктестік жұмысы тоқтатылды. Облыстық прокуратура органдарының жанына «Қоғамдық қабылдаудың» жұмысы қарқынды жұмыс жасауда. Бүгінгі таңда өткізілген 10 қабылдауға 40 азамат келген, оның 36-сы түпкілікті жауап берілуіне байланысты арыз қалдырудан бас тартқан.