«Айғақ» телеарнасының «Қасиетті Қазақстан» жобасы Батыс Қазақстан облысында. Ертеден белгілі, Батыс өлке — батырлар мекені. Ал оның орталығы Орал қаласы тарихтың тереңіне кететін ертеден даңққа ие болған қала. Елбасымыздың «Болашаққа бағдар: рухани жаңғыру» бағдарламасы аясында дүниеге келген Қасиетті Қазақстан жобасының кезекті түсірілімі осы өңірдің таусылмас рухани қазынасына арналмақ.
Шымкент қаласынан Орал қаласына дейін автокөлікпен 2000,5 шақырым жолды еңсерген арнамыздың түсірілім тобы Оралдағы алғашқы күні сұрапыл соғыста ақтық демі таусылғанша күрескен қазақтың қайсар қызы Мәншүк Мәметованың атындағы мемориалдық музейінде болды. Бұл жерде Кеңес Одағы Батырының өмірі, қан майдандағы ерлігі туралы дүниеге қанық болды.
«Ұлы дала жолы» телеэкспедициясының бір бағыты Қазақстандағы киелі орындарды, тарихи жәдігерлерді, архитектуралық ескерткіштерді түсіріп арнайы фильм дайындау. Батыс Қазақстан облысына ат басын бұрған түсірілім топ мүшелері Орал қаласындағы М.Мәметова мемориалдық мұражайына барды.
30 жылдан астам тарихы бар Кеңес Одағының Батыры Мәншүк Мәметова атындағы мемориалдық мұражайы бүгінде жастарға патриоттық тәрбие беру көпірі болып табылады. Мұражайға қойылған жәдігерлер қазақ қызының қайғылы және ерлік тағдыры болып табылады. Музей ғимараты ХІХ ғасырдың 1932-1934 жылдары аралығында Мәметовтар отбасы тұрған.
Музей экспозициясында 30-шы жылдардың кезеңі ретті түрде көрсетілген, бұл Мәметовтар отбасының тұрмысы мен ішкі көрінісі, орындықтар, айна, сандық, ыдыс, «Zinger» тігін машинасы, қобдишалар, кестелер, хаттар, жеке самаурын және т.б. Осында Мәншүктің анасы Әмина Сүлейменова тапсырған бірегей, түпнұсқалық экспонаттар орналасқан.
2 000 астам жәдігер орналасқан музейдің негізгі экспозициясы 5 залдан тұрады. Оның негізі – Ұлы Отан соғысының барысы, 1941-1945 жылдары Орал бойындағы Батыс Қазақстандықтардың қатысуы, жерлестеріміздің фашизмді жеңуге қосқан үлесі. Ал ең маңызды бөлігі «Мәншүктің өшпес ерлігі» диорамасы болып табылады. Мүзейде Мәншүктің көптеген құжаттары мен фотосуреттері бар.»»
«Қасиетті Қазақстан» жобасының ендігі аялдайтын жер — шежіресі бай, сұлу өлке Бөкей Ордасы ауданы.
