23 тамыз күні Астанада Ақпарат және Коммуникациялар министрі Абаевтың қатысуымен «Қазақстан» РТРК» АҚ басшысы Ерлан Карин корпорацияның барлық медиакктивтерінің жаңа маусымын жұртқа таныстырды. Аталмыш шараның таныстырылуына Қазақстандағы БАҚ басшылары, өкілдері, саясаттанушы және блогерлер қатысты.
28 тамызда «Қазақстан» телерадиокорпорациясының медиа ресурстарында жаңа маусым басталады. Жаңа маусым аясында телерадиокорпорация құрамына енетін арналар мен радиоларда ауқымды өзгерістер орын алады: ребрендинг жүргізіліп, студиялар жаңартылып, жаңа бағдарламалар эфирге қосылады. Ребрендинг барысында — «Қазақстан» корпорациясының медиаактивтеріне ортақ, танымал логотип бекітіліп, ренейминг, редизайн жұмыстары жүргізілді. Жаңа логотип – корпорация құрамындағы арналар мен радиостанциялардың біртұтастығын білдіретін арнайы белгі ретінде – Қазақстан Республикасының Мемлекеттік Туы іспетті жасалды. Жалпы жаңа логотип – корпорацияның технологиялық дамуға ұмтылысын, үлкен медиа отбасы ресурстарының сабақтастығын білдіреді — делінген телеарнаның ресми сайтында.
«Қазспорт» телеарнасының редакторы Индира Бектенова (суретте)
алғашқы еңбек жолын Шымкент қаласында бастаған.
Оңтүстік Қазақстан облысы мәслихатының депутаты, Оңтүстік Қазақстан облысы Қоғамдық Кеңесінің мүшесі, «Айғақ» Телерадиокомпаниясының басшысы Дулат Назарбекұлы Әбіш «Қазақстан» РТРК» АҚ Басқарма төрағасы Ерлан Кариннің арнайы шақыртуын алып, 23 тамыз күні Астанадағы жаңа маусымның ашылу салтанатына қатысып қайтты.
Жаңа маусымда корпорация құрамына енетін 14 аймақтық арналардың атаулары да өзгертіледі. Бұрынғы «Қазақстан – Ақтау», «Қазақстан – Шымкент», «Қазақстан – Қарағанды» және т.б. деген сияқты атаулардың орнына, енді жекелеген, сол аймаққа үйреншікті атаулар енгізілетін болады. Мысалы Mangystau, Ontustik, Saryarqa және т.б. Бұл өзгертулер аймақтық арналарға ішкі теленарықта дербес жұмыс жүргізуге және аудиторияның кеңеюіне бағытталған.
Ұзақ жылдар «Ақ Жайық» газетінің бас редакторы қызметін атқарған Сабыр Қайырханов, «Тараз Times» газетінің қызметкері Эльмира Сайлыбаевалар Оңтүстіктен келген әріптесімен қуана қауышты.
«Айғақ» Телерадиокомпаниясының басшысы Дулат Әбіш Астанаға әрбір сапарында бабалар басына тағзым жасап, тәу етпей кетпейді. Кезекті жұмыс барысында Қазақстанның жалпыұлттық киелі нысандарының бірінен саналатын «Қабанбай батыр» кесене-қорымында болып, баба рухына құран бағыштады.
Суретте: «Қабанбай батыр» кесене-қорымының шырақшысы Камал Әбдірахманов, меценат Ғани Шаймарданов жұбайы Баян Сәбитқызымен.
