2017 оқу жылынан бастап Астана қалалық орта білім беру ұйымдары міндетті мектеп формасына көшеді, деп хабарлайды baq.kz ақпарат агенттігі тілшісі.
Бұл туралы ОКҚ-да өтіп жатқан Астана қаласы білім беру мекемелерінің жаңа оқу жылына даярлығына арналған баспасөз конференциясында Астана қаласы Білім басқармасы басшысының міндетін атқарушы Әнуар Жанғозин мәлімдеді.
«Сәуір айында Астана қаласында орта білім беру ұйымдарындағы міндетті мектеп формасына қойылатын талаптар енгізілген болатын. Форма түсі — қою көк және классикалық үлгіде болу керек. Осылайша, бір түсті мектеп формасына кезең-кезеңімен көшу жоспарланып отыр», — деп мәлімдеді Әнуар Жанғозин.
Сондай-ақ, мектеп формасын кез келген жерден ала беруге болады. Астана қаласы білім беру мекемесінің сайтында нақты қандай форма алуға болатыны көрсетілген.
Дереккөз: Baq.kz
