Үкiмет үйiнде өткен баспасөз мәжiлiсiнде былтыр жаңа бағдарлама бойынша енгiзiлген оқулықтар мен дәптерлер мәселесi көтерiлдi. Baq.kz тiлшiсi
ҚР Бiлiм және ғылым министрi Ерлан Сағадиевтен нелiктен өңiрлерге арнайы оқу дәптерлерi үшiн қаржы бөлiнбейтiнiн сұрады. (Былтыр Астана қаласы оқушыларына бұған қаржы бөлген едi). Атап өтсек, әр дәптердiң орташа бағасы 500 — 2500 теңгенi құрайды. Әр оқушыға орташа алғанда 20-25 мың теңге кетедi. Оқулық пен дәптер бiр-бiрiмен байланысты, сондықтан дәптерсiз оқулықтағы тапсырмаларды орындау мүмкiн емес. Осы себептен мұғалiмдер оқушылардан арнайы дәптерлердi талап етуде, ал ата-аналар iздеп жүрiп сатып алуға мәжбүр болып отыр.
«Заң бойынша Үкiмет бiрыңғай оқулықтарды сатып алып, балаларды олармен 100 пайыз қамтамасыз етедi. Үкiмет тарапынан тек қана оқулықтарға ақша бөлiнедi. Бiрақ, дәптерге келгенде, олар тек қана 1-шi сыныпқа берiледi. Биыл балаларға 100 пайыз дәптер алынған. Ендi биыл 1 және 2 сыныпқа дәптер аламыз деп отырмыз. Бiрақ оған ақша әлi бөлiнген жоқ. Басқа сыныптарда ол (дәптерге қаржы бөлу-бөлмеу — агент.) — жергiлiктi әкiмдер өздерi шешетiн мәселе», — дедi Сағадиев.
