«Кселл» компаниясы Amediateka және MEGOGO танымал онлайн-қызметтерімен әріптесе отырып, жетекші әлемдік кинокомпаниялардың 6800-ден астам фильмдері мен телехикаяларын көру үшін жаңа mobi kino қызметін іске қосты.
mobi kino – бұл заңды бейнеконтенттер көруге арналған mobi ойын-сауық қызметтер желісіндегі жаңа өнім. Қызмет үшін төлем Kcell немесе activ абоненттік нөмірлер теңгерімінен алынады. «Жаңа уақыт медиа тұтынудың жаңа форматтарын талап етеді. Біздің абоненттер өздерінің сүйікті телехикаялары мен фильмдерін қалаған сәтте көргілері келеді. Сондықтан біз Amediateka және MEGOGO танымал онлайн-қызметтерлерінің каталогтарын қамтитын mobi kino қызметін іске қостық. Енді біздің абоненттер бүкіл әлеммен бірге HBO, FOX, CBS, Starz, Showtime және басқа да студиялар телехикаяларын әлемдік тұсаукесер күні Amediateka бөлімінде көре алады. Біз өз абоненттеріміздің мінез-құлқында үдеріс байқаймыз – бұл жазылу бойынша заңды ойын-сауық контент үшін және өзіне үздік контент, оның сапасын, алу тәсілдерін таңдау үшін төлеуге дайындық. Қызметті іске қосу Amediateka-да ұсынылған «Игра Престолов» телехикаясының 7 маусымының шығуымен тұспа-тұс келеді, және біз телехикая жанкүйерлеріне оны бүкіл әлеммен бірге mobi kino-да көріді ұсынамыз»,- дейді «Кселл» АҚ-ның бас атқарушы директоры Арти Отс.
Қызметтің ерекшелігі абонент жазылу түрін өзі таңдайды.
Mobi kino қызметіне жазылу – бұл базалық жазылу, ол тәулігіне 25 теңгеге MEGOGO ресурсында HD сапалы фильмдер, мультфильмдер, телехикаялар, шоулар коллекцияларына онлайн қолжетімділік ұсынады («Тұсаукесер» санатындағы фильмдер мен Amediateka ресурсының контентін қоспағанда). Mobi kino жазылуы бойынша Контентке қол жеткізудің алғашқы 14 күні абоненттік төлемсіз жүзеге асырылады.
Amediateka жазылумен бүкіл әлеммен бір мезгілде HBO, FOX, CBS, Starz, Showtime жетекші студияларының және басқа да студияларының үздік телехикаяларын көруге болады*. Amediateka жазылуы үшін абоненттік төлем — тәулігіне 30 теңге. Amediateka ресурсынан контентке қол жеткізудің алғашқы 7 күні абоненттік төлемсіз жүзеге асырылады. Кино сүйерлер екі жазылуды қоса алады. Құны тәулігіне 55 теңге. Қазақстанда AMEDIA TV сервисінің дамып, жергілікті көрермендер арасында лицензиялы контенттің кең таралғанына қуаныштымыз. «Амедиатекада» әлемнің жетекші студияларының үздік сериалдар қоры жинақталған. Тұсаукесерлер тежеліссіз әлеммен бірге шығады. «Игра престолов», «Твин Пикс», «Молодой папа», «Мир дикого запада», «Карточный домик» — сериалдарының барлығы үлкен оқиғаларға айналып, көрермен көзайымына айналды», — дейді Денис Горшков, AMEDIA TV компаниясының бас директоры. mobi kino ұялы үстемесінде фильмдер, шоу, телехикаялар іріктеу және контентті «Танымал», «Ұсынылады», «Тұсаукесер» атты кіші бөлімдерге бөлуге мүмкіндік беретін пайдалы функциялар бар. «Кинопоиск және кинематограф туралы IMDb ірі деректер базасындағы хикаялар желісін, көрермен пікірлерін, рейтингтерді негізге ала отырып, фильмдер мен телхикаяларды таңдауға болады. Актерлердің тізімі, олардың өмірбаяны мен фильмографиясы қосылған. Қазақстандағы MEGOGO директоры Нурлан Чукубаевтың айтуынша, Kcell брендімен видеоконтент-өнімін іске қосу — бұл жақсы маркетингтік опция, бұл екі компанияға трафик тұтыну көлемін арттыруға, клиенттік базаның бейілділігін күшейтуге және түрлі ынталандырулар арқылы клиенттерді тартуға мүмкіндік береді. Сондай-ақ өзара тиімді шарттарда сапалы өнімдерді, яғни фильмдер (тұсаукесерлер) мен жазылымдары сатуға мүмкіндік береді. mobi kino үстемесінде фильмдерді ыңғайлы уақытта көру үшін таңдаулы бөлімге қосуға, дыбыстық жолдар мен субтитрлердің қалаулы тілін таңдауға болады. Ұсынымдар жүйесі пайдаланушының бағалауын, қарап шығу тарихын ескереді және фильмдердің дербес топтамасын қалыптастырады. Қызметтің қосымша аясында, әрбір қосылған жазылу үшін күнделікті абоненттік төлемнен ай сайын 3 ГБ интернет-трафик көлемі есептеледі.
Ұялы үстеме iOS және Android жүктеу үшін қол жетімді. Оның үстіне mobikino.kz сайтында десктопты нұсқасы бар. Ұялы телефонға үстемені орнату арқылы, mobikino.kz веб–порталы арқылы немесе USSD *606# пәрменін пайдала отырып mobi kino-ға жазылуға болады.
*IMDb нұсқасы бойынша
