2017 жылғы 1 маусымдадағы көрсеткіш бойынша еліміздегі халық саны 18 014, 2 мың адамды құрады, соның ішінде қалалықтар – 10 358,0 мың (57,5%), ауылдықтар – 7 656,2 мың адамды (42,5%) құрады. 2016 жылғы 1 маусыммен салыстырғанда халық саны 239,2 мың адамға, яғни 1,3%-ға өсті. Қарастырылып отырған кезеңде қайтыс болғандар саны 55,7 мың адамды құрады. Бұл былтырғы жылға қарағанда 0,7%-ға аз. Өлім-жітімнің жалпы коэффициенті 1000 адамға 7,46 қайтыс болғандарды құрады. Ағымдағы жылдың қаңтар-мамыр айларында республикада 1 жасқа дейінгі 1 344 нәресте өлімі тіркелді. Ал өткен жылмен салыстырғанда 1 жасқа дейінгі шетінеген нәресте саны 16,8%-ға азайды. Нәресте өлім-жітімінің негізгі себебі – перинаталдық кезеңде пайда болатын жағдайлар. Бұдан 2017 жылғы қаңтар-мамырда 666 нәресте қайтыс болып, нәрестелер арасындағы жалпы өлім санының 49,6%-ын құрады. Туа біткен ауытқулардан 318 немесе 23,7%, тыныс органдары ауруларынан 92 немесе 6,8% және жазатайым жағдайдан, уланудан және жарақаттан 72 немесе 5,4% нәресте қайтыс болды. 2017 жылғы қаңтар-мамырда нәресте өлім-жітімінің коэффициеті 1000 туғандарға шаққанда 8,65 құрады. Ал көші-қон қызметі органдары ұсынған мәліметтерді өңдеу нәтижесінде 2017 жылғы қаңтар-мамырда елімізге тұрғылықты тұруға келгендердің тіркелу саны былтырғымен салыстырғанда 36,3%-ға көбейіп, 7 204 адамды құрады. Елімізден кеткен көшіп-қонушылардың тіркелу саны 4,0%-ға көбейіп,10 975 адамды құрады, көші-қонның айырымы -3 771 адам болды. Еліміздегі негізгі көші-қон алмасуы ТМД мемлекеттерімен болуда. ТМД елдерінен келгендердің үлесі 68,9% болса,ТМД елдерге кеткендердің үлесі 87,7%-ды құрады. Өңіраралық көшіп-қонушылардың үлесіне еліміздің жалпы ішкі көшіп-қонушылар санының 34,0%-ын кұрады. Өңіраралық көші-қонның оң айырымы Астана қаласында 20 647, Алматы қаласында 9 698 адам, Ақмола облысы 1 459 адам, Алматы облысы 181, Атырау облысында 12 адам қалыптасты.
Дереккөз: www.24.kz
