Шымкенттің Еңбекші ауданының жергілікті полиция қызметінің бастығы бюджет қаражатын жымқырумен айналысқан ҰҚТ мүшесі деп күдіктелуде, деп хабарлады ОҚО мемлекеттік кірістер департаменті.
Ведомство сайтында жарияланған хабарда айтылғандай, Әл-Фараби аудандық сотымен Шымкент қаласы аудандық ішкі істер басқармасы жергілікті полиция қызметінің басшысы «С» азаматын қамауда ұстау туралы бұлтартпау шарасы санкцияланды. Ұсталған азамат лауазымды тұлға бола тұра, жұмыссыздарды әлеуметтік жұмыспен қамтуға мемлекет бюджетінен бөлінген ақша қаражатын ұзақ уақыт бойы, ұйымдасқан қылмыстық топ құрамында, жүйелі түрде жымқырып отырған.
Бұдан алдын, 30.05.2017 жылы Экономикалық тергеу қызметімен жүргізілген жедел-іздестіру іс-шаралары барысында әлеуметтік жұмыс орындарын қаржыландыруға мемлекет бюджетінен бөлінген ақша қаражатын банкоматтан шешу барысында қолма-қол ұсталған 45-жастағы Шымкент қаласының тұрғыны қамауда ұстау түріндегі бұлтартпау шарасы сотпен санкцияланған болатын.
Тінту барысында 45- жастағы азаматшаға тиесілі «БМВ Х5» маркалы автокөлігінен және тұрғылықты мекен-жайынан 180 банк кәртішкелері, 88 жеке кәсіпкер мөрлері, 22 азаматтың жеке куәліктері, 21 еңбек кітапшасы, алтын бұйымдар алынған.
«Халықты жұмыспен қамту туралы» 23.01.2001ж., 06.04.2016ж. ҚР Заңдарына және ҚР Үкіметінің 19.06.2001 ж. №836 қаулысымен бекітілген әлеуметтiк жұмыс орындарын ұйымдастыру және қаржыландыру ережелерiне сәйкес, әлеуметтік жұмыс орындарын қаржыландыруға жұмыс берушінің әлеуметтік жұмыс орындарына алынған азаматтардың айлықтары.
ҚазТАГ
