«Атамекен» ҰКП Стартап және IT-экожүйесін дамыту кеңесі мен MOST бизнес-инкубаторы Алматыда IT Meetup Kazakhstan технологиялық конференциясын ұйымдастырып отыр.
IT Meetup Kazakhstan – бұл IT-кәсіпкерлік саладағы барлық негізгі ойыншыларды, яғни табысты компаниялар, белгілі стартаптар, бизнес-инкубаторлар, интернет-қауымдастықтар, технопарктер және мемлекеттік институттарды біріктіретін технологиялық конференция.
Бұл шара Қазақстандағы табысты стартаптарды дамытуға көзделген және осыған қатысты барлық мәселелер спектрін қамтиды. Қоғамдастық күшіне сенгендіктен IT Meetup Kazakhstan шарасын өткізіліп отыр, себебі бірлесіп жұмыс атқарылғанда Қазақстан табысты елге айналады.
Мамандардың пікірінше, стартаптардың табысты компанияға айналып кетуі үшін мемлекеттік қолдаумен қатар, ірі бизнес өкілдерінің қамқорлығы мен демеуі керек.
«Проблема көп. Қазақстандағы венчурлі нарықтың көлемі 10 млн долларға жетпейді. Бұл осы сала дамыған мемлекеттердегімен салыстырғанда 100 есе аз. Ол үшін акселераторлар мен инкубаторларды дамыту керек. Немесе мемлекеттің қолдауы керек. Қазақстанда талантты жастар көп, бірақ олар шетелге кетіп қалды. Ал жұмыс берушілер кадр тапшылығын тартады. Стартаптарға мемлекеттің қолдауы әлсіз», — дейді Атамекен кәсіпкерлер палатасы стартап экожүйесін дамыту кеңесінің мүшесі Мағжан Мәдиев.
Оның айтуынша, Қазақстанда веб-бағдарламашылар, мобильді өнертапқыштар, интернет маркетологтар, IT мамандары мен менеджерлері жетіспейді.
Ақпарат көзі: Naruk.kz Фото: 3222.ua
