ЗАУЫТТЫҢ ЭКОЛОГИЯЛЫҚ АХУАЛЫ БАҚЫЛАУДА

Өнеркәсіптің дамуы қоршаған ортаға түсетін салмақты арттырмауы тиіс. Шымкентте экологиялық жағдайды бақылауға бағытталған жұмыс тобы «Син Юань Стил» зауытына барды. Мамандар өндіріс барысын, атмосфераға таралатын қалдықтарды және газ тазарту жүйелерінің жұмыс барысын бақылады.

Металл сынықтарын қайта өңдеп, болат дайындамалары мен арматура өндіретін «Sin Yuan Steel» Син Юань Стил кәсіпорны экологиялық әсер деңгейі бойынша бірінші санатқа жатады. Зауыттың жобалық қуаты жылына 500 мың тонна өнім өндіруге мүмкіндік береді. Өндіріс тәулік бойы үздіксіз жұмыс істейді. Мұндай ауқымды кәсіпорынның қоршаған ортаға әсерін бақылау – экологиялық қауіпсіздіктің маңызды бөлігі.Кәсіпорында атмосфераға таралудың 25 көзі тіркелген. Оның 16-сы ұйымдастырылған шығарындылар көзі саналады. Индукциялық пештерден бөлінетін газдар арнайы жеңді сүзгілер арқылы тазартылатыны көрсетілген. Жұмыс тобы өндірістік алаңдарды аралап, қалдық көздері мен газ тазарту жабдықтарының жұмысымен танысты.Қала әкімінің тікелей тапсырмасымен құрылған жұмыс тобы кәсіпорындардың қаржы-шаруашылық қызметіне араласпай, қоршаған ортаға әсерін бағалайды. Тексеру нәтижелері бойынша зауытқа экологиялық жағдайды жақсартуға бағытталған ұсыныстарда ұсынылды.  Мамандар аладағы уақыттада шаһарда орналасқан ірі өндіріс орындарын аралауды дәстүрге айналдыруды жоспарлауда.