Шаһарда Саяси қуғын-сүргін құрбандарының есімін ұлықтаған мәдени кешеннің құрылғанына биыл 25 жыл. Осыған орай Тарих және Тағылым атты ғылыми-тәжірибелік конференция өтті. Шара аясында қонақтар кешеннің тарихи экспозицияларымен танысып, ширек ғасырлық қызметіне шолу жасады.Уақыт өткен сайын тарихтың көмескі тартқан тұстарын қайта зерделеп, ақтаңдақ беттерін ашудың маңызы арта түсуде. шараның басты мақсаты — музейдің ширек ғасырлық тарихын саралап, оның мәдени-ағартушылық және ғылыми-зерттеу бағытындағы қызметін қорытындылау. Айтулы жиында ғалымдар мен мәдениет саласының мамандарын бір алаңға жиналып, жаңа ғылыми деректермен бөлісті.
Тарихтың әр парағы — бір тағдырдың куәсі. Ал сол тағдырлардың артында тұтас бір дәуірдің қасіреті жатыр.Аян Боранбаева үшін бұл тарих — өткен күннің жай ғана естелігі емес. Саяси қуғын-сүргін құрбаны болған әкесі туралы деректердің осы музейде сақталуы. Отбасы тарихын ұмыттырмай, өткен мен бүгінді жалғап тұрған рухани көпір сынды. Мұнда сақталған әрбір құжат пен тарихи дерек жазықсыз жапа шеккен жандардың есімін жаңғыртып, олардың тағдырын келер ұрпаққа жеткізудеІс-шара музей ішіндегі танымдық экскурсиядан басталды.50ге жуық қызметкер жұмыс істейтін тарихи кешенде саяси қуғын-сүргін кезеңінің ауыр шындығын айғақтайтын 16мыңнан астам құжаттар мен жәдігерлер сақталған. Музей қызметкерлері тарихи мұраны сақтап,жас буынға таныту бағытындағы жұмыстар алдыңғы қатарда тұратынын айтады.
