Жас буынның заңды біліп, тәртіпті сақтауы – қоғам үшін маңызды. Осы бағытта Шымкентте жастардың қатысуымен дөңгелек үстел өтті. Жиында заң талаптарын сақтау, қоғамдық тәртіп пен құқықтық жауапкершілік мәселелері талқыланды.
Басқосуға құқық қорғау органдарының өкілдері, жастар ұйымдарының мүшелері, сала мамандары мен белсенді жастар қатысты. Жиында жасөспірімдер мен жастар арасындағы құқық бұзушылықтың себептері және оның алдын алу шараларына басымдық берілді. Осы бағытта мамандар заң мен тәртіп қағидаларын түсіндіру жұмыстары тұрақты жүргізіліп жатқанын жеткізді.
Алайда оның нәтижесі әр адамның бұл талаптарды қаншалықты қабылдап, күнделікті өмірде орындауына байланысты екенін атап өтті. Маманның айтуынша, бүгінде қоғамда орын алып жатқан көптеген құқық бұзушылықтың алдын алуда отбасындағы тәрбие мен ортаға да ерекше мән беру қажет.
