«Таза Қазақстан» акциясына «Жасыл аймақ» КММ де үлес қосуда. Белгіленген 6 учаскеге сенбіліктер өткізіліп, абаттандыру жұмыстары жүргізілуде. Бұдан бөлек 17 019 гектар жерге әр түрлі жапырақты ағаштар отырғызылып, 1200 гектарға сексеуіл тұқымдарын себу жоспарланған.
Түркістан облыстық табиғи ресурстар және табиғат пайдалануды реттеу басқармасына қарасты «Жасыл аймақ» мекемесі қарамағында 2 тұқымбақ бар. Жалпы 140 гектар аумақты алып жатқан бақтарда 28 түрлі ағаш-бұта көшеттері өсірілуде. Қазіргі таңда тұқымбақтарда 5,7 миллионнан астам көшет өсіріліп жатыр. Бұл жайында «Жасыл Аймақ» КММ басшысының орынбасары баспасөз мәслихатында мәлімдеді.
Ауыл шаруашылығы ғылымдарының кандидаты, PhD докторы Битөре Жұмақановтың сөзіне сүйенсек «Жасыл белдеудегі» орман алқаптары Түркістан қаласы аумағының экологиялық жағдайын есепке ала отырып құрылған. Жердің құнарлылығы 4 топқа бөлініп, соған байланысты ағаш түрлері егіліп жатыр екен. Мәселен, 4-топтағы топырақ орман өсіруге жарамсыз дейді. Себебі мұнда тұздылық 3%-ға және жерасты сулары 8 метрге жоғары. Дегенмен, зерттеу жұмыстары нәтижесінде ол жерлерде алқа ағаштарының 3 түрін өсіру мүмкін деп танылған. Сондай-ақ, бұл аумақтарда егіліп жатқан ағаш-бұталардың жетілуіне кемінде 8-10 жыл уақыт қажет екен.
Сонымен қатар, спикер «Жасыл аймақ» мекемесіне қатысты бірқатар өзекті сауалдарға жауап берді. Атап айтар болсақ мекемеге қарасты 103 гектар жер телімі мәселесі. Аталған аумақ мемлекеттік орман қоры санатына ауыстырылып, жоспар бойынша сексеуіл көшеттерін отырғызу жұмыстары «КАТКО» ЖШС-не бекітілген. Алайда бұл жер теліміне жер айдау, агротехникалық жұмыстар және сексеуіл көшеттерін отырғызу жұмыстары мүлдем жүргізілмеген дейді. Яғни, бұл 103 гектар жер теліміне бюджеттен ешқандай қаржы жұмсалмағандығы бойынша актілер түзіліп, мәліметі тиісті органдарға жолданғанын айтты.
МӘЖІЛІСМЕН ТЖД ЖҰМЫСЫМЕН ТАНЫСТЫ
Шымкент қаласында алты жаңа өрт сөндіру бөлімі салынады. Бұл туралы ҚР Парламенті Мәжілісінің депутаты мегаполиске жұмыс сапары барысында келгенде айтылды....
