Енді мұғалім өзінің қызметі туралы барлық ақпаратты жеке кабинетінен көретін болады. Себебі ұлттық платформа негізінде мұғалімдерді аттестаттау процесі автоматтандырылмақ. Одан бөлек жаңа оқу жылында ата-аналарға арналған арнайы академия өз жұмысын бастайтын болады. Дәл 1 аптадан соң күміс қоңыраудың сыңғырымен басталатын жаңа оқу жылында тағы нендей өзгешелік бар? Оқу аптасы қанша айға созылады? Балабақшадағы кезек мәселесі қалай шешілмек? Тамыз кеңесінде айтылған ақпаратпен таныс болыңыздар.
Биыл республикалық Тамыз кеңесі жаңа форматта, жаңа бағытта жүргізілді. 20 аймақтың барлығы жеке тақырыптық бағыттарға бөлініп, конференция жүргізді. Бірінші күні 12.000 астам педагог-тәжірибешілер, сарапшылар мен білім беру және психология саласындағы арнайы мамандар мектепке дейінгі, орта, техникалық және кәсіптік, қосымша, инклюзивті білім берудің, балаларды қорғаудың заңнамалары мен талаптарын, ең өзектә мәселелерді талқыға салды.
«Әділетті Қазақстан: сапалы білім, адал ұрпақ, табысты ұлт» тақырыбында тамыздың 24-25 і күндері жыл сайын ұйымдастырылатын республикалық Тамыз кеңесі өтті. Мемлекет басшысының тапсырмалары аясында білім саласында өзекті болған 20 тақырыптық бағыт бойынша әр өңірдің педагогтері мен республиканың бас ұстазы онлайн форматта бас қосып, жаңа оқу жылына дайындықты пысықтады. Оңтүстікке еліміздің өзге де өңірлерінен білім саласының өкілдері арнайы келіп, аталмыш жиынға қатысты. Түркістан сарайында өткен мәжілісте модератор болған Оқу-Ағарту министрі Ғани Бейсенбаев. Бас ұстаз Тамыз кеңесінің пленаралық сессиясында өткен оқу жылын қорытындылап, бірер күннен соң басталатын 2023-2024 жаңа оқу жылына арналған міндеттермен бөлісті.
— Педагогика және оқыту әдістемесі бойынша тестілеу де алып тасталынды. Мұғалім тек өзі сабақ беретін пән бойынша тжәне тек қана модератор мен сарапшыға ауысқан кезде ғана тестілеуден өтеді. Болашақта педагог-зерттеуші мен шебердің біліктілік санатын беру тәртібі қайта қарастырылады.
Сондай-ақ балабақшадағы кезек мәселесін шешу үшін жыл басынан бері 32,8 мың орындық 332 мектепке дейінгі ұйым ашылып, жыл соңына дейін тағы 48 мың орын енгізілетін болады. Мемлекет басшысының тапсырмасына сәйкес кәсіби мамандарды тарту мақсатында биыл қыркүйек айынан бастап тәрбиешілердің жалақысы 30%-ға артады және бұл бағттағы жұмыстар әлі де жалғасын табады, -деп сөзін түйіндеті еліміздің бас ұстазы.
Оқу жылы 36 аптаға созылып, 25 мамырда аяқталады. Бұл туралы бүгінгі кеңесте баяндалды. Мемлекет басшысының құттықтау сөзін оқыған Еңбек және халықты әлеуметтік қорғау министрі Тамара Дүйсенова оқу жылының мерзімін өзгерту асығыс шешім болды деп ойлайтынын жеткізді:
— Біз жалпы мынау ұлттық осындай жүйелерді енгізер кезде бәріміз ойлаймыз; бұл тағы да бір біздің кемшіліктерімізді шығарады деп. Мұндай жүйелерден қорқудың қажеті жоқ. Жаңа Президенттің сөзінде де естдіңіздер, министрдің де сөзінде айтылды. Біздің алдымызға қойылған мақсат — білім сапасын көтеру болып отыр.
Елімізде цифрландыру жүйесі қарқынды дамуда. Ұстаздар жиынында цифрландыруға қатысты мектептегі интернет, мемлекеттік қызметтерді автоматтандыру, электронды оқулықтар сынды бірқатар мәселелер талқыланды. Оқу-ағарту вице-министрі Айбат Болатұлы білім беруде цифрландырудың маңызы туралы баяндама жасады.
— Мемлекет басшысы өзінің Жолдауында барлық салаларды цифрландырудың маңызына тоқталып өткен болатын. Соған сәйкес, білім саласында цифрлық мазмұнға қол жеткізу үшін оқытудың цифрлық платформалары жасалады. Соның нәтижесінде бүгінде еліміздің 7 мыңнан астам мектебінде онлайн платформалар мен цифрлы оқулықтар пайдаланылып келеді. Онлайн платформаларды және өзге де цифрлық технологияларды белсенді пайдалану бойынша Шымкент қаласы Жамбыл және Ақмола облыстарымен бірге республикада алдыңғы қатарда келеді,-деді ҚР Оқу-ағарту вице-министрі АЙБАТ ІЛИЯСОВ.
КСМ: Үшінші мегаполисте 946 білім беру ұйымдары 100% компьютерлік техникамен және интернетпен қамтамасыз етілген. Одан бөлек білім саласында сыбайлас жемқорлыққа жол бермеу, ашықтықты әрі жариялықты қамтамасыз ету мақсатында арнайы автоматтандырылған жүйелер жұмыс істейді. Нәтижесінде «бармақ басты, көз қысты» бірқатар әрекеттер тыйылған, — дейді мамандар.
— Бүгінде автоматтандырылған жүйелер мегаполисте білім саласын арттырып, саланы жаңа деңгейге көтеруге өз септігін тигізуде. Осы бағыттағы арнайы платформалар мен жаңа бағдарламаның жүзеге асуы Шымкентте белең алып келеді. Бұл білім саласындағы жемқорлықты жоюға өз септігін тигізеді, — дейді Шымкент қаласы бойынша сыбайлас жемқорлыққа қарсы күрес агенттігі департаментінің басшысы Дәурен Ерғарин.
Еліміздің мектептері заманауи білім беруді қолдайды. Соған сай күнделік, дарын онлайн, білім ленд сынды электронды порталдар да қолданыста. Ұстаздар да оқушыға тек білім беріп қана қоймай, мемлекет ұсынған мүмкіндіктерді пайдаланып келеді. Тамыз кеңесінде тыңдалған ұсыныстар мен пікірлер арқылы әр мектеп өкілі білім сапасын арттыру аясында жаңа идеяларды жүзеге асырмақ.
Жиынды жүргізген қала басшысы Мұрат Дүйсенбекұлы іс-шараның секциялық отырысында білім саласын цифрландыру бойынша 30-дан астам үздік авторлық жоба шеруі өтіп, тақырыптық маңызды мәселелер қозғалған баяндамаларды тыңдады. Сондай-ақ аталған технологиялардың білім сапасына оң әсерін беретініне де сенім білдірді. Білім саласында да айтылар арыз бен түскен шағымның көптігін де жасырмады.
— Осыдан 3 жыл бұрын Шымкентте білім саласына қатысты арыз-шағымдар өте көп түсетін еді. Осыған байланысты біз білім саласындағы сыбайластық қаупін азайту, педагог кадрларды іріктеудің ашық әрі әділетті жүйесін қалыптастыру және білім беру ұйымдарына жұмысқа қабылдау процесін автоматтандыру мақсатында HR process деген арнайы жобаны жүзеге асырдық. Осының нәтижесінде бүгінде білім саласында тәртіп орнап, арыз-шағымдар мен наразылықтар азайды. Шымкент қаласының осындай үздік тәжірибесі бүгінде бүкіл республикаға тартылып жатыр,- деді Шымкент қаласының әкімі Мұрат Әйтенов.
Осылайша 2 күнге созылған Тамыз кеңесі өз мәресіне жетті. Жаңа оқу жылында алға қойылған міндеттер аса маңызды. Жиынға қатысқан 300 өңірлік қонақ пен 1000-ға жуық шымкенттік мұғалімдер оқу жылына бекітілген жоспармен таныс болды.
