БАҒАНЫ ТҰРАҚТАНДЫРУҒА 8,7 МЛРД ТЕҢГЕ БӨЛІНГЕН

Мегаполисте әлеуметтік азық-түлік бағасын тұрақтандыру мақсатында бюджеттен 8,7 млрд теңге қаржы бөлінген. Бұл қаражат қаладағы сауда орындарына үлестіріліп беріледі. БАҚ өкілдеріне брифинг өткізген ауыл шаруашылығы басқармасының басшысы қалада ет, сүт өнімдерінің көрсеткіші айтарлықтай өскенін айтты.2023 жылы қаладағы ауыл шаруашылық саласына 18 ірі жобаны жүзеге асыру мақсатында 16 млрд теңге инвестиция тартылған. Оның ішінде шаруашылықтың барлық бағыты қамтылып отыр. Әсіресе қайта өңдеуге қатты көңіл бөлінуде .

Басқармадағы негізгі басымдылық әлеуметтік маңызы бар азық-түлік тауарларының бағасын тұрақтандыруға бағытталған. Бұл жұмыстарға бүгінде 8,7 млрд теңге бөлініп, қаладағы 200-ге жуық сауда орындарындағы бірінші қажетті азық-түліктер нарықтан төмен бағада сатылып келеді. Мал шаруашылығында биыл айтарлықтай өсім бар. Өнімділік 6 пайызға артып, 4,5 мың тонна ет, 31,3 мың тонна сүт өндірілген. Мал басының саны да өткен жылдармен салыстырғанда көбейген.

Кенелермен күрес, қала берді масаларға қарсы шаралар қала аумағында жоспарлы түрде жүргізілуде. Басқарма басшысының айтуынша саябақтар мен гүлзарлар, қоралар мен мал жайылымдары дезинсекцияланды.

АЙҒАҚ-АҚПАРАТ