«BAQCAMP» СЕМИНАРЫ ӨТТІ

Техника мен электронды құралдың қарыштаған заманында ақпараттың сауатты әрі жылдам тарауы басты міндет. Осы мақсатта баспа және электронды ақпарат қызметтерінің өкілдері мен блогерлер бас қосып, семинарға қатысты. Тренинг барысында командада сенім мен тиімді іс-қимылды нығайту, қақтығыстарды басқару және келіссөздер жүргізу әдістері баяндалды.

БАҚ — билік пен бұқараны жалғайтын алтын көпір. Сондықтан олар тікелей қоғамға әсер етеді. Қызығы мен қиынлышығы мол салада ынтымақтастық пен коммуникациялық дағдының да маңызы зор. Жыл сайынғы ұйымдастырылған шараның ерекшелігі – оның түрлі бағытта өрбуі. Шара барысында журналистерге психолог мамандар дәріс оқып, спорттық ойындар мен командалық жарыстарды ұйымдастырды.

Семинардың негізгі мақсаты – БАҚ-тағы этика мен медиа индустриядағы жаңа трендтерді жылдам меңгеру.  Бүгінгі журналист қағаз-қаламмен шектелмей, бренд пен цифрлық ақпарат деңгейін дамытып, әлеуметтік желілердің қызметін пайдалана білуі тиіс. 3 күндік семинарда теориялық біліммен қатар, практикалық тапсырмалар да орындалды.