ТҮРКІСТАН ОБЛЫСЫНЫҢ №2-ШІ ОЛИМПИАДАЛЫҚ СПОРТ МЕКТЕБІ ЖЫЛДЫ ТАБЫСТЫ  ҚОРЫТЫНДЫЛАДЫ

     Түркістан облысының нөмері №2-ші олимпиадалық спорт мектебі ұжымы биылғы жылды табысты аяқтады. Жаңімпаз спортшылардың ордасында өткен педагогикалық кеңесте сала мамандары жылды қорытындылады.

Əлем чемпионаттары мен халықаралық додаларға қатысқан түркістандық спортшылар жыл сайын жеңістерге жетіп келеді. Білікті басшы Нұрлан Айтмурзаев басқаратын бұл спорт мектебінде үстіміздегі жылы Азия чемпионаттары мен əлем кубоктарында шəкірттер 107 медаль жеңіп алды.   Мұнда бүгінде олимпиадалық бағдарламаға енген спорт түрлері мен олимпиадалық емес спорттан жастар кəсіби деңгейде тəлім алуда.

 Білікті бапкерлер мен жеңіске деген құлшыныстары мықты спортшы ұл-қыздар ел намысын қорғауда тек ұлттық мүддені бірінші орынға қояды. Биыл спорт мектебінің саңлақтары арасында 2-халықаралық дəрежедегі спорт шебері, 5- спорт шебері жəне 45 спорт шеберлігіне үміткерлер тəрбиеленіпті. Бұдан басқа 113 1-ші, 2-ші жəне 3-ші дəрежедегі спортшылар дайындалыпты. Гандболдан жастарды тəрбиелеп келе жатқан аға бапкер Анатолий Мамедов қазір жастардың көптеп спортқа ден қойып жатқанын айтты.

Түркістан облысында соңғы кездері гір көтеру спорты əлемдік деңгейде дамуда. Спорт маманы Асхат Арғынбаев қазір ауылды жерлерде спорт үйірмелелері көптеп ашылып, гір спортына жастардың қызығушылығы артып жатқанын жеткізді.Педагогикалық кеңесте мамандар биылғы жылды жақсылығымен қорытындылап, алда атқарылатын  жұмыстарды жан-жакты пысықтады. Мектеп директоры Нұрлан Пернебекұлы бапкерлер мен мамандарға нақты тапсырмалар беріп, ел мерейін үстем етер жолда тек жауапкершілікпен жұмыс атқару керек екенін айтып тарқасты.