2021 жылдың 21 желтоқсанында Шымкент қаласына қарасты әскери прокуратурасында 30 жылдық мерейтойы қарсаңында әскери ведомствалардың қатысуымен дөнгелек үстел өткізілді, деп хабарлайды Ұлттық ұлан 6506 әскери бөлімінің баспасөз қызметі.
Айтулы іс-шараны Шымкент гарнизонының әскери прокуроры, әділет полковнигі Бағлан Телеу бастап берді. Өз сөзінде әскери прокурор 30 жыл көлемінде қамтыған прокурорлық ведомствонің атқарылған жұмыстары, құрылған күннен бастап алғы басшыларын атап, бүгінгі күнде ардагерлер қатарының жұмысы жас ұрпаққа үлгі-өнеге екенін атап өтті.
Қазіргі кезде әскери прокуратураның тікелей байланысымен Шымкент қаласында қызмет етіп жатқан шекара қызметі, Ұлттық ұлан әскери бөлімдері, Қарулы күштерінің әскери бөлімдерінде құқықтық тәртіп пен әскери қызметшінің заңды әрекеттері қорғалуда. Өзара байланыстың нәтижесінде жылдан жылға аталған әскери құрылымдардың қызметшілерінің арасындағы жарғыға сай тәртіптің, заңды әрекеттерінің көрсеткіштері көтерілуде, бұл нәтиже ортақ жұмыстың нәтижесі деп те атасақ аз емес.
Іс-шара барысына құрметті қонақ етіп келген Шымкент гарнизонының әскери сотының төрағасы міндетін уақытша атқарушы Бурлебай Каипов, әкімшілік құқық бұзушылар жөніндегі мамандандырылған соттың төрағасы Ғалым Қалдаров, Оңтүстік Қазақстан мемлекеттік педагогикалық университетінің «Маңсап» орталығының директоры, заңгер-ғалым Ғалымжан Битұрсын мен М.Әуезов атындағы Оңтүстік Қазақстан университетінің заң факультетіндегі қылмыстық процесс кафедрасының аға оқытушысы, докторант Гүлзағира Жарылқапова да сөз алып, айтулы мерекемен құттықтап, өздерінің жылы лебіздерін білдірді.
Айта кетерлік, осындан 30 жыл бұрын 1996 жылы 17 ақпан күні жас мемлекетіміз Қазақстан Республикасының Тәуелсіздігін алған күнімен тұспа-тұс келіп, мемлекеттің іргетасы қаланған сәттен-ақ еліміздің құқықтық жүйесін нығайту жолында, әскери қызметшілердің арасында заңдылық пен құқықтық тәртіпті қамтамасыз ету жолында өз қызметтерін бастап, бүгінгі күні берекелі 30 жылдығын қарсы алуда.
