ҚР Тәуелсіздігіне 30 жыл толуына орай Сайрам ауданында «ТӘУЕЛСІЗДІК ЕЛ ТҰҒЫРЫ» атты салтанатты іс-шарасы өтті.
Мерекелік жиын қазақы салт-дәстүріміздің қайталанбас бір парасы жергілікті қолөнершілердің көрмесімен бастау алып, заманауи үлгідегі ұлттық киімдерге арналған дефилеге жалғасты.
Сайрам ауданының әкімі Ұласбек Сәдібеков салтанатты шарада өңірдің қарышты дамуында еселі еңбек еткен азаматтарды арнайы марапаттап, кеудесіне төсбелгі тақты. Мемлекеттік наградамен 7 азамат, мерекелік медальмен — 10 және облыс әкімінің Алғыс хатымен – 1 азамат марапатталды
Сонымен қатар, аудан әкімі Ұласбек Сәдібеков және мәслихат хатшысы Халмурадов Шамхат Розақұлұлы Сайрам ауданының «Құрметті азаматы» атағын 30 азаматқа тапсырды. Олардың қатарында, Сайрам ауданының тумасы, Елбасының курстасы, КСРО Мемлекеттік сыйлығының лауреаты, КСРО-ның Құрметті металлургі Аманәлі Әбдраманов бар.
