Қазақстанда құрылыс инженерлері, геодезия, картограф, механик, дизайнер, метеоролог, сметашы, зертханашылар, асфальт-бетон жұмысшылары жетіспейді. Осы проблеманы түсіндіру үшін «Жол активтерінің ұлттық сапа орталығы» РМК Шымкент қалалық филиалының мамандары №116 мектеп оқушыларымен кездесті. Республикалық «1000 мектеп» акциясы аясында өткен шараға 30 – қа жуық шәкірт қатысты.
Шымкент қаласында «1000 мектеп» акциясы аясында мектеп оқушыларына кәсіби бағдар беруде жүйелі жұмыс жүргізіліп отыр. Акция аясында бүгінде қоғамда тапшы мамандықтарға баулу жұмыстары да жүргізілуде. Соның ішінде «Жол активтері ұлттық сапа орталығы» да бұл жобаға өздерін үлесін қосып, арманшыл жастарға бағыт бағдар беруде. Алдымен онлаин түрінде бастау алған шара бүгінде офлайн режімінде жалғасуда. Өйткені, бүгінгі таңда шынымен де жол құрылысы саласында білікті маман тапшы. Көпшілігіміз, яғни жасөспірімдер түгілі, балаға жол сілтейтін ата-аналардың өзі жол құрылысы саласы маманы дегенді жетік түсіне бермейтініміз ақиқат. Есесіне мұндай ақпараттық жұмысты «Жол активтері ұлттық сапа орталығы» мықтап қолға алды.
«Жол активтері ұлттық сапа орталығы» РМК Шымкент қалалық филиалы директорының міндетін атқарушы Қайрат Шәкіров игі шара алдағы уақытта да өз жалғасын табатынын айтады. «Бұл жұмыс ары қарай жалғасып, 20 мектептің мектеп бітіруші түлектермен және кәсіптік білім беретін мекемелердің студенттерімен өткізу жоспарланып отыр,-дейді.
Кәсіби бағдар берудің ең басты мақсаты – автомобиль жолдары саласында маман тапшылығының орнын толтырып, шетел мамандарын жұмысқа тарту сұранысын азайту. Өз еліміздің азаматтарын патриоттық рухты көтеруге, еліміздің тұтқасын сеніп тапсыратын білікті маман иесі атануға шақыру.
