ОРДАБАСЫ АУДАНЫ ӨЗІНДІК ҚАЖЕТТІ ЖЕМ-ШӨПТІҢ 77 ПАЙЫЗЫН ЖИНАП ҮЛГЕРДІ

Ауыл шаруашылығына бейім Түркістан облысының бірқатар аудандарында биыл шаруаларды қуаңшылық жағдайы әбігерге салды. Яғни көктемгі ауа- райының қолайсыздығынан жайылымдарда шөп өз деңгейінде шықпай қалды. Осыған байланысты өңір басшысы Өмірзақ Шөкеев барлық аудан-қала әкімдеріне жем-шөп тапшылығын шешу жөнінен нақты тапсырма берген болатын. Бұл тұрғыда Ордабасы ауданында аймаққа қажетті жем-шөп қорын толықтыру бойынша жүйелі жұмыстар жасалуда. Айталық, ағымдағы жылы аудан бойынша ауыл шаруашылығы дақылдарының егіс көлемін 65 мың 780 гектарға орналастыру жоспарланып, бүгінгі күнге нақты 65 мың 904 гектарға ауыл шаруашылығы дақылдары егілген.

Оның ішінде мал азығы дақылдарының үлесі 71 пайыз яғни — 46 705 гектарды құрайды. Атап айтқанда 18 мң 592 гектарға бидай, 1 379 гектарға жаздық арпа, 9 652 гектарға дәндік жүгері және 17 мың гектардан астам жоңышқа егілген.
Аталған дақылдардан яғни бидайдан гектарына — 8,2 центнер жаздық арпадан — 4 центер, дәнді жүгеріден — 83 центнер жоңышқадан – 160 центнерден өнім алу көзделіп отыр. Нәтижесінде аудан бойынша – 327 мың 490 тонна мал азығы өндіріледі деп жоспарлануда. Оның ішінде; жоңышқа — 273 152 тн, сабан – 20 038 тн, пішен — 30 000 тн, сүрлем жүгері — 4 300 тн. Бүгінгі таңда жинақталған жем- шөп қоры – 181 мың 981 тоннаға жетіп, қажеттіліктің 77 пайызын құрап отыр.
Мал қыстату маусымындағы шартты мал басына сәйкес, ауданға қажетті мал азығы — 236 339 тн құрап, — 91 150 тн қажеттіліктен артығымен өндірілетін болады.
Сонымен қатар бидай, арпа дәнді жүгері дақылдарынан — 98 мың 320 тонна жем азығы жиналып 41 035 тн қажеттіліктен — 57 285 тн артығымен өндіріледі деп күтілуде.
Бұдан өзге аудан аумағында мал азығы тапшылығының алдын алу мақсатында 3 жұмысшы тобы құрылып шілде айының 3-6 аралығында аудандағы мал қоралардың жай- күйімен олардың мал қыстату маусымына дайындығы бойынша зерделеу жұмыстары жүргізілген. Нәтижесінде аудандағы 317 бірлік мал қорадағы мал басына (ІҚМ – 12 864 бас, уақ мал 146 324 бас, жылқы 3 574 бас, түйе 499 бас) қажетті 67 288 тн мал азығының бүгінгі күнге 53 830 тн немесе 80 пайыз мал азығы жиналған.
Бұдан бөлек «Азық – түлік корпорациясы» ҰК» АҚ арқылы 7 275 тн бидай, 210 тн арпа, 365 тн кебек алуға аудандағы ірі мал және құс шаруашылығымен айналысатын шаруашылықтар тарапынан өтінім берілген. Осылай деген Ордабасы аудандық ауыл шаруашылығы бөлімінің басшысы Әбділда Әлібековтың айтуынша аймақта мал азығы бойынша жағдай тұрақты. Өзінділік қажеттілікті қамтамасыз етуге толықтай мүмкіндік бар деп санайды.