«Тәуелсіздік кезеңінде қалыптасқан қосымша білім беру үрдісі» атты республикалық семинар Шардара ауданында жалғасын тапты. Семинардың мақсаты — қосымша білім берудегі идеологияның негізгі бағыттарын таныстыру, өңірлердің білім саласындағы жетістігін насихаттау болып табылады.
Түркістан облысы бойынша әр ай сайын ұйымдастыралатын семинар өткен айда Сайрам ауданында өтсе, шілде айында Шардара аудандық адами әлеуетті дамыту бөлімі өз жетістіктерімен бөлісті. Нақтырақ айтсақ, ауданға қарасты Оқушылар үйі мен «Саз» мектебінде қосымша үйірмелер ұйымдастырылып, балалардың бос уақыттарын тиімді пайдалануына жағдай жасауда. Мәселен, Оқушылар үйінде 1981 бала өз қызығушыдықтарына қарай 67 үйірмеге қатысады. Оның ішінде моншақпен, түрлі-түсті жүнмен, майлы бояумен сурет салу, компьютермен жұмыс жасау, кітап оқу, сахна өнері, фото студия, ботаника секілді үйірмелер қарастырылған.
Шардара ауданындағы қосымша білім беру саласындағы атқарылған жұмыстармен танысуға Түркістан облыстық Адами әлеуетті дамыту басқармасының басшысы Рақымбек Жолаев және де Шымкент қаласы мен Қызылорда, Жамбыл облыстарының сонымен қатар, өңірдегі барлық аудандардың білімге жауапты бөлім басшылары келіп, өзара тәжірибе алмасты.
Шардара ауданындағы республикалық семинар мәдениет үйінде өнерпаз оқушылардың концерттік бағдарламасымен жалғасты.
Айта кетейік, Шардара ауданында 30 білім беру мекемесі жұмыс жасайды. Онда 19 199 оқушы білім алуда. Олардың ішінде 14 мың оқушы түрлі үйірмелерге қатысаса, спортқа қызығушы жастар саны 11 мыңнан асады. Бұл жалпы оқушылардың 71 пайызын құрайды.
Шығармашылық бағыттағы қосымша сабақтардан бөлек, ауданда спорт түрлерінен де үйірмелер жақсы дамыған. Әсіресе кенжелеп баражатқан ұлттық спортқа көп көңіл бөлінуде. Олар асық ату, найза лақтыру. Бұл бағытта бүгінде үлкен жетістікке жетіп жүрген оқушылар бар. Ал, Шардара ауданындағы қол күрес мектебінің орны бөлек. Өңір жастарының басым бөлігі осы спорт мектебіне келіп, жанына жақын үйірмеге қатысады. Мұнда 10-нан аса спорт түрі жұмыс жасайды.
Іс-шара барысында облыстық адами әлеуетті дамыту басқармасының басшысы Рақымбек Жолаев оқушылармен және ұстаздар қауымымен кездесіп, үздіктерді марапаттады.
Семинар қорытындысымен Шардара ауданындағы қосымша білім беру саласының жоғары деңгейде екені айтылып, келген қонақтар тарапынан жақсы баға берілді.
