САЙРАМ АУДАНЫНДА ЕРЕКШЕ БАЛАЛАРҒА АРНАЛҒАН ТҮЗЕТУ КАБИНЕТІ АШЫЛДЫ

Республикалық «Дара» қоры және «Samruk-Kazyna Trust» әлеуметтік жобаларды дамыту қоры мен Түркістан облысы әкімдігінің қолдауымен Түркістан облысы, Сайрам ауданы, Қарабұлақ ауылында жаңа заманауи техникалық құралдармен жабдықталған психологиялық-педагогикалық түзету кабинеті ашылды. Психологиялық-педагогикалық түзету кабинетінің ашылу салтанатына «Дара» қорының өкілдері мен ҚР Білім және ғылым министрлігінің арнайы және инклюзивті дамыту бойынша орталығының директоры Айгерім Кудеринова және Түркістан облыстық адами әлеуетті дамыту басқармасы басшысының орынбасары Ардақ Садықова қатысты.

Түзету кабинеті – кез келген ерекше бала және оның отбасы үшін дефектолог, психолог, логопед, физиотерапевт, массажист, тифлопедагог сияқты мамандардан сапалы көмек алуға мүмкіндігі болатын арнайы мекемелер. Балаларға және олардың отбасыларына тегін қызмет көрсетіледі.
Әр Психологиялық-педагогикалық түзету кабинеттерінде ерекше білім беруді қажет ететін балалар арнайы жоғары білікті мамандар тобынан тегін көмек ала алады. «Дара» қайырымдылық қорының ұйытқы болуымен ашылып отырған бұл облысымыздағы 4-ші орталық болып табылады. Яғни бұл жолғы
психологиялық-педагогикалық түзету кабинеті Сайрам ауданына қарасты халқы тығыз орналасқан Қарабұлақ ауылындағы №17 жалпы орта мектебінің базасынан ашылып отыр.