Биылғы шомылу маусымы аяқталды. Осыған байланысты төтеншеліктер 3 айда атқарылған жұмыстар тізбегін қорытындылады.
Айтуларынша бұл кезеңде шомылуға рұқсат етілген орындарда қайғылы жағдайлар тіркелмеген. Десе де айыппұл арқалаған азаматтар жетерлік.
Қала аумағында негізінен шомылуға рұқсат етілген үш орын бар. Сала маманының айтуынша атқарылған істер нәтижесінде арнайы құрылған құтқарушылар жасағы өз міндеттерін тыңғылықты орындады. Сәйкесінше қалған жүзуге рұқсат етілмеген 13 орынға ескерту тақтайшалары орнатылып, мәдени ошақтар мен балалар көп жүретін аумақтарда түсіндірме жұмыстарын жүргізген.Қанша ескертулер жасалғанымен заңға қарама қайшы әрекет жасайтын адамдарда табылады. Оның ішінде ішімдікпен, балаларын қараусыз қалдырған жауапсыз ата аналарда бар.
Төтеншеліктер мен Полицейлер бірігіп жасаған рейд барысында 48 азамат айыппұл арқалаған.
Тілсіз жаудан қорғана білу саналы қоғамның әрбір азаматы үшін таңсық дүние болмауы қажет. Сондықтан қауіпсіздік ережелерін сақтау – қайғылы жағдайлардың алдын алудың басты кепілі. Шомылу маусымы аяқталғанымен, сақтық шараларын ескеру жыл бойы назарда болуы тиіс.
By Айғақ медиа
