Қаладағы Абай, Әл-Фараби, Еңбекші және Қаратау аудандарындағы жаңа көшелерге атау беру жөніндегі ұсыныс бүгін мәслихаттың кезекті сессиясында бірауыздан қолдау тапты. Сондай-ақ Рейдттік шаралар нәтижесінде көше атауы мен үй реттік номері қате көрсетілген, тозығы жеткен 18 мыңға жуық тақтайша анықталған. Оған сәйкес қала бюджетінен тиісті қаржы бөлініп, жаңғырту жұмыстары жалғасатын болады.
Ксм: Қала көшелеріне жаңа тақтайшалар орнату қажеттілігі де назардан тыс қалмады. Қазіргі таңда Абай, Еңбекші, Қаратау және Тұран аудандарындағы 17 866 үйге жаңа үлгідегі тақтайшалар орнату үшін ұсыныстар енгізілді. Сонымен қатар, Шымкентте 80-нен астам көше атауы қайталанады. Атауы моральдық тұрғыдан ескірген және мүлде атаусыз көшелер де бар.
Сондай-ақ “Спутник” скверінің атауы өзгереді. Қалалық мәслихаттың кезекті сессиясында Ғабит Сыздықбеков бұл демалыс аймағының атауын журналистердің құрметіне ауыстырылатынын мәлімдеді. Өзінің орынбасары Сәрсен Құранбекке жұмысқа кірісуге тапсырма берді. Сондай-ақ масс-медиа өкілдерінің еңбегін елеп, олардың қоғамдағы маңызды рөлін де тілге тиек етті.
