Мемлекет басшысы Қ.К. Тоқаевтың 2020 жылғы қарашадағы ұлттық қоғамдық сенім кеңесінің төртінші отырысында берген тапсырмасын жүзеге асыру мақсатында Шымкент қаласында «Оқуға құштар мектеп» жобасы жақсы қолға алынған. Мәселен, ұлы ақынымыз Абай Құнанбаевтың туған күніне орай, шығармаларын оқыту арқылы өскелең ұрпақ бойына жақсы әдеттерді қалыптастыруды мақсат етті. Абай шығармаларын насихаттау арқылы «Абай – дана, Абай – дара қазақта» атты кітап оқу челенджіне қатысқан этнос өкілдерін отаншыл, білімпаз, адал, үнемшіл әрі жанашыр етіп тәрбиелеуде маңызы зор. Классикалық әдебиетті оқуға деген қызығушылықты арттыруда 5-7 сынып оқушылары арасында өткізілген «Абайды оқы, таңырқа» мәнерлеп оқу сайысы жастардың эстетикалық талғамын арттырып қана қоймай, шығармашылық қабілеттерін шыңдады.
Сондай-ақ, 2024-2025 оқу жылынан бастап Шымкент қаласы білім басқармасына қарасты барлық білім беру мекемелерінде қазақстандық мәдениет құндылықтары негізінде азаматтық жауапкершілік пен патриотизм, парасаттылық пен адалдық, ар-ұждан, рухани-адамгершілік қасиеттерін бойына сіңірген, үйлесімді дамыған тұлға қалыптастыру мақсатында «Біртұтас тәрбие бағдарламасының жаңартылған мазмұны» (тәуелсіздік және отаншылдық, бірлік және ынтымақ, әділдік және жауапкершілік, заң және тәртіп, еңбекқорлық және кәсіби біліктілік, жасампаздық және жаңашылдық құндылықтары бойынша) пән мазмұны, сынып сағаттары және сыныптан тыс қосымша білім беру мазмұны арқылы жүзеге асырылып келеді. «Еңбегі адал жас өрен», «Шабыт», «Балалар кітапханасы», «Қамқор», «Smart bala», «Ұшқыр ой алаңы» жобалары аясында мектепке дейінгі, орта, техникалық және кәсіптік білім беру мекемелерінде қыркүйектің алғашқы аптасы «Білім – қымбат қазына, қанағат тұтпа азына», «Жанұям – қорғаным, ата-анам — тірегім» дәйексөзімен «Білім күні» барлық білім беру мекемелерінде «Мектебім – мейірім мекені» тақырыбында салтанатты іс-шарасы, «Менің Отаным — Қазақстан» бірыңғай сынып сағаттары, «Үлгілі сынып», «Үздік оқушы», «Бұрымды қыз» челленджі, «Балалар кітапханасы», «Ұшқыр ой алаңы» жобалары аясында «Кітаптар айналымы», «Мен өз елімнің азаматымын!» тақырыбында қалалық дебат турнирі өткізіліп, барлығы 218 236 білім алушылар қамтылды.
Оқушылардың уақытын тиімді пайдалану үшін үзіліс кезінде ұлттық ойындарды дәріптеу мақсатында тоғызқұмалақ, асық ату, бес тас, шахмат ойындары ұйымдастырылып, ұлттық кесте тігу өнері насихатталуда. «Ата-аналарды педагогикалық қолдау орталығы» жобасы аясында «Отбасы күніне» орай «Отбасы – тәрбиенің алтын бесігі», «Отбасындағы сыйластық» сынып сағаттары, «Менің отбасым» эссе байқауы, «Отбасым бақыт мекенім», «Отбасы – тәрбиенің алтын бесігі» челленджі, «Отбасы менің байлығым» іс-шарасы, республикалық «Мерейлі отбасы-2024» ұлттық байқау жеңімпаздарымен кездесу ұйымдастырылды. Барлығы 68 236 білім алушылар қамтылды. «Уақытты басқару және өзін-өзі ұйымдастыру», «Бала тәрбиесіндегі ата-ананың, мұғалімнің және қоғамның рөлі» тақырыбында оқушылардың қатысуымен өткен ата-аналар жналысында мектептің ішкі тәртіп ережелері, бала қауіпсіздігі бойынша ақпараттық түсіндірме жұмыстары жүргізілген.
