«Адал әрі табанды еңбегімен табысқа жеткен адамдар қашанда құрметті, сыйлы болуы керек. Бұл біз ұсынып отырған «Адал азамат – Адал еңбек – Адал табыс» қағидатына толық сай келеді. Бір сөзбен айтқанда, біздің қоғамда еңбекқорлық, кәсібилік сияқты қасиеттер өте жоғары бағалануға тиіс. Өз кәсібін жетік меңгерген мамандар ұлт сапасын арттырады. Сондықтан біз еңбек адамының мәртебесін көтеріп жатырмыз. Бұл бағыттағы жұмыс тоқтамайды, жалғаса береді»,- деп мәлімдеді Мемлекет басшысы Қасым-Жомарт Тоқаев 2 қыркүйектегі Қазақстан халқына Жолдауында. Адал еңбекті насихаттаған Президент 2025 жылды Жұмысшы мамандықтары жылы деп жариялады. Бұл үшін кәсіптік білім сапасын жақсарту өзекті мәселе болып табылады. Себебі, кәсіптік білім алған азаматтар еліміздің экономикалық өсіміне орасан пайда келтіреді. Сондықтан да кәсіби білімді реформалауды ұсынды Мемлекет басшысы. Жалпы кәсіби мамандықты меңгеріп жүрген студенттерді ынталандыру мақсатында елімізде WorldSkills – бүкіл әлем бойынша кәсіби чемпионаттарды өткізу арқылы қызметкерлердің кәсіби даярлығы мен біліктілік стандарттарын арттыру мақсатында құрылған халықаралық коммерциялық емес ұйым құрылған болатын. Жұмысшы мамандық иелерінің жұмысын жақсы жаққа өзгеркісі келетін бүкіл әлемдегі адамдарды біріктіретін халықаралық қоғамдық қозғалыс. Оның басты міндеті – өзіңің кәсіби қабілеттерін іске өзінің қабілетін іске асыра білуөөқасырғысы келетін адамдарға жағдай жасау. Айта кетсек, WorldSkills қозғалысы 1947 жылы Испанияда соғыстан кейінгі кезеңде елдің өнеркәсібін қалпына келтіру үшін жоғары білікті жұмысшылардың жетіспеушілігін жою үшін құрылған.
Кәсіптік-техникалық мамандықтың деңгейін арттыратын бұл жобаға Қазақстан мемлекетінен жастарымыз қатысып, халықаралық деңгейде үздік нәтиже көрсетіп келеді.
Жоба шеңберінде қоғамға ең қажетті маман иелерінің біліктілігін арттыру жоспарланған.
Әлем бойынша әр екі жыл сайын өткізілетін бәсеке биыл 23-27 қыркүйек күндері аралығында Шымкент қаласының білім басқармасына қарасты техникалық және кәсіптік білім беру ұйымдары студенттерінің қатысуымен «WorldSkills Shymkent — 2024» кәсіби шеберлік чемпионатының аймақтық кезеңі өткізілген болатын. Чемпионат «Жас маман» жобасы аясында заманауи құрал-жабдықтармен және техникалық жабдықталған құзыреттілік орталықтары қарастырылған, қаланың жетекші 14 колледжінің базасында өткізілді.
«WorldSkills» чемпионатының аймақтық кезеңі 42 құзыреттілік бойынша 221 үміткердің қатысуымен «Ақпараттық-коммуникациялық технологиялар», «Өндірістік және инженерлік технологиялар», «Қызмет көрсету саласы», «Білім беру», «Медицина», «Шығармашылық және дизайн», «Құрылыс индустриясы», «Көлік және логистика» бағыттары бойынша өткізілді.
Чемпионат қатысушыларының конкурстық жұмыстарын қала аумағындағы кәсіпорындардың жетекші мамандарынан құралған тәуелсіз сарапшылар бағалады.
«WorldSkills Shymkent — 2024» кәсіби шеберлік чемпионаты өткізілуі барысында 9-11 сынып түлектері үшін «Ашық есік» күндері ұйымдастырылып, мектеп оқушыларына колледждердің материалдық-техникалық базасы мен жетістіктері таныстырылып, инновациялық жобалар көрмесі ұйымдастырылып өткізілді.
Аймақтық чемпионат жеңімпаздары ағымдағы жылы қараша айында өткізілетін Республикалық сайысқа жолдама алды. Жеңімпаз қатысушыларымызға Шымкент қаласының абыройын асқақтата берулеріңе тілектестік білдіреміз.
