Close Menu
"Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    • Біз туралы
    • Жарнама
    • Байланыс
    Facebook YouTube Instagram Telegram TikTok Threads WhatsApp
    "Айғақ"  ақпараттық порталы"Айғақ"  ақпараттық порталы
    • Басты бет
    • Жаңалықтар
      • Саясат
      • Қоғам
      • Экономика
      • Мәдениет
      • Әлеумет
      • Тарих
      • Боздақтар
      • Спорт
      • Денсаулық
    • Жобалар
    • Сұхбат
    • Айғақ MEDIA
      • Фотогалерея
      • Бейнематериалдар
    • Аймақтар
      • Шымкент
      • Түркістан
      • МӘДЕНИ АСТАНА
    live
    • Біз туралы
    • Жарнама
    • Байланыс
    "Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    Home»Айғақ MEDIA»ДӘСТҮРДІ ДӘРІПТЕГЕН БІРЕГЕЙ ОРТАЛЫҚ
    Айғақ MEDIA

    ДӘСТҮРДІ ДӘРІПТЕГЕН БІРЕГЕЙ ОРТАЛЫҚ

    Айғақ медиаАйғақ медиа28.09.2024142 Views

    Ғасырдан-ғасырға жетіп, түп-тамырын үзбей келе жатқан ұлттық құндылықтар  – елдігіміздің бір белгісі. Саф мұрамыздың қадір-қасиетін бағамдай білген дана қазақ оны келер ұрпаққа жеткізуді басты мұраты санады. Қоғамға шашау шықпай сіңісіп, күнделікті тұрмыс-тіршілікпен қабысып кеткен салт-дәстүріміз Шымкентте тағы бір жаңғырды. Дәстүрді дәріптейтін еліміздегі бірегей орталық он жылдығын тойлады.

    Шаһардағы көрме орталығы өзгеше күйге еніп тұр. Жазушылардың кітап бетіне сөзбен зергерлеген көрінісі бүгін шынайы образбен келуші қонақтарды тамсандырды.  Атадан жеткен асыл қазынамызды қайта жаңғыртып, ел жадынан шығып, ұмыт болып бара жатқан әдет-ғұрпымызды насихаттап жүрген орталықтың мерейтойы аясындағы этнофестивальге көрші қырғыз елінен, Қызылорда, Түркістан, ШҚО-ның өнерлі азаматтары келді. Шараның шымылдығын қала әкімінің орынбасары Сәрсен Құранбек ашып, ұлттың рухани жауһарлары қайта жаңғырып жатқанын айтты.

    Он жылдың ішінде киелі, құтты орынға айналған орталық салтымыз бен дәстүрімізді насихаттап қана қоймайды. Әрбір ғұрыптың мән-маңызын ғылыми тұрғыдан зерттеп, тарихымен таныстырады. Рухани байлық пен мәдени мұрамыздың тереңіне бойлап, халыққа түсіндіреді. Орталықтың басшысы Бақтияр Спанов салт-дәстүріміз болмаса еліміздің болашағы бұлыңғыр дейді.

    Этнофестиваль 6 кезеңнен тұрды. Әдет-ғұрпымызды көрсететін әндерден театрландырылған көрініс, Жыршы-жыраулар сайысы, Келіндер сайысы, қол күрес, жілік шағудан ер азаматтардың бәсекесі, бұқа тартыс, қошқар көтеру және киіз үйді құрып-жинау. Сайысқа қырғыз елінің «Ер-Керген» командасы қатысты. Құрамында 3 мыңға жуық өнерпазы бар екен. Олар шаһардағы салт-дәстүр орталығымен соңғы 5 жылда рухани байланыс орнатып, тәжірибе алмасып келе жатқанын айтады. Түбі бір түркі жұртына ортақ шарамен құттықтады.

    Салт-дәстүрдің сан түрін көрсеткен шарада келуші қонақтар арнайы ұйымдастырылған көрмені тамашалап, мәдени ақпаратқа қанықты. Ұршық иіріп, құрақ құраған әжелер, қолөнердің сан түрін жасайтын шеберлер мен ұмыт болып бара жатқан ұлттық дәмді дайындап келген шаһардағы мейрамханалар этнофестивальге өн берді.

    Көшпенділер әлемінің інжу-маржан қазынасының мән-мазмұнын, мәдениет пен салт-дәстүрдің үздік үлгілерін тануды мақсат еткен этнофестиваль — дархан даланың дәстүрі мен ойындарын осылайша тағы бір жаңғыртты.

    Share. Facebook Twitter Pinterest LinkedIn Email VKontakte Telegram WhatsApp Copy Link
    Айғақ медиа

    Related Posts

    МЕДИЦИНАЛЫҚ ҚЫЗМЕТТІҢ АШЫҚТЫҒЫ: ПАЦИЕНТТІҢ БАҚЫЛАУ МҮМКІНДІГІ АРТЫП КЕЛЕДІ

    17.11.2026

    ШЫМКЕНТТЕН ФРАНЦИЯҒА ЖОЛ АШЫЛАДЫ: ШЕНГЕН ВИЗАСЫН РӘСІМДЕУ ЕНДІ ЖЕҢІЛДЕЙДІ

    17.11.2026

    ӨНЕРКӘСІП ПЕН ЛОГИСТИКАҒА ЖАҢА СЕРПІН

    17.11.2026
    Leave A Reply Cancel Reply

    ПРЕЗИДЕНТ ЖОЛДАУЫ
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ —
    ҚАСЫМ-ЖОМАРТ КЕМЕЛҰЛЫ ТОҚАЕВ

    Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

    БАЙЛАНЫС

    Мекен жайы: Қазақстан Республикасы, Шымкент қаласы, Ғ.Iляев көшесi, №29 үй
    E-mail: aigak@mail.ru
    Телефон: +77014416666

    Қазақстан Республикасы Ақпарат және Коммуникациялар министрлігі ақпарат комитетінде 2019 жылы 13 маусымда тіркеліп, № 17745 — ИА куәлігі берілген.

    Facebook Instagram Telegram YouTube TikTok Threads WhatsApp
    © 2015- 2026 . «Айғақ» ақпараттық порталы. Барлық құқықтар сақталған.

    Type above and press Enter to search. Press Esc to cancel.