Қазақстанда 15 жылдан соң мұнай сарқыла ма? Шымкент қаласының «Достық» үйі ғимаратында қалалық Қазақстан халқы Ассамблеясы мүшелерінің қатысуымен “Әділетті Қазақстанды құру жолындағы ауқымды реформалар” тақырыбында дөңгелек үстел өтті.
Жиында Қазақстан халқы Ассамблеясы жанындағы Журналистер мен блогерлер клубының жетекшісі Талғат Балтабаев атом электр станциясын салудың маңызын атап өтті. Оның айтуынша АЭС салу экономикаға зор әсер етеді. Жапония, Франция секілді дамыған мемлекеттерде де АЭС жақсы дамыған.
Шара барысында «Қуатты Қазақстанның жаңа экономикалық реформалары» тақырыбында тарих ғылымдарының кандидаты, Қазақстан халқы Ассамблеясы жанындағы Ғылыми сарапшылық топ төрағасының орынбасары Қайрат Анарбаев сөз сөйледі. Ол биылғы Президент жолдауына тоқталып өтті. Биылға жолдауда әділетті Қазақстан құруға негізделіп, экономикаға баса назар аударылған деді Қайрат Сапарханұлы.
Дөңгелек үстел соңында Президент айтқан негізгі міндеттердің бірі — Қазақстанды жайлы және қауіпсіз өмір сүру аймағына айналдыруға Ассамблеяның әрбір мүшесі үлес қосатындығы айтылды. Айта кетейік, бүгінде қалалық Қазақстан халқы Ассамблеясы жанында 17 этномәдени бірлестік пен 7 құрылым қоғамдық негізде әрекет етеді.
