Күн өткен сайын экономикамызға мол энергия қажет болып жатыр. Мұндай сұранысты атом энергетикасы қамтамасыз ете алады. Бұл туралы мемлекет басшысы өз жолдауында баса айтты. Осы бағытта АЭС салуды қолдау жөніндегі Халықтық штаб құрылып, республикамыздың өңірлерінде түсіндірме жұмыстарын жүргізуде. Күні кеше Халықтық штаб мүшелері Шымкентке табан тіреді. Бірнеше кәсіпорындарда болған штаб мүшелері, Өңірдегі студенттерімен, жас белсенділермен және зиялы қауым өкілдерімен кездесті. Жиында Атом электр станциясының артықшылығы туралы сөз қозғалды.
М.Әуезов атындағы Оңтүстік Қазақстан университеті – еліміздегі жетекші техникалық жоғары оқу орындардың бірі. Оның түлектері еңбек нарығында кең сұранысқа ие. Олар – электр энергетика, машина жасау, физика, химия және өзге де сала мамандары. АЭС салуды қолдау жөніндегі Халықтық штаб мүшелері өңірдегі студенттерімен және жас белсенділермен кездесті. Мәжіліс Спикері, «AMANAT» партиясының Төрағасы Ерлан Қошанов жастар үнемі жаңа үрдістердің басы-қасында жүретінін және мемлекет дамуының басты қозғаушы күші саналатынын атап өтті.
Бұдан соң штаб мүшелері зиялы қауым өкілдерімен кездесті. Іс-шара барысында атом энергетикасына қатысты барлық мәселе бойынша жұртшылықты кеңінен хабардар етудің маңызы және халық арасында ерекше беделге ие адамдар ретінде мәдениет қайраткерлерінің бұл істегі рөлі талқыланды.
Сондай ақ Штаб мүшелері «Тассай» индустриялық аймағына барып, кәсіпкерлермен және еңбек ұжымдарымен кездесті. Олар атом энергетикасының мүмкіндігі, жаңа өндіріс орындарын дамыту перспективалары және лайықты еңбек жағдайын жасау жөнінде әңгімелесті. Мемлекет басшысы, атом электр станциясын салуға байланысты барынша байыпты шешім қабылдау қажет екенін ұдайы айтып келеді.