БІРТҰТАС ҰЛТТЫҚ ТӘРБИЕ

Біртұтас тәрбие бағдарламасы — Ұлттық құрылтайдағы Президент тапсырмасы негізінде қолған алынды. Білім алушы өскелең ұрпақтың бойына жалпыадамзаттық және ұлттық құндылықтарды сіңіруді мақсат еткен бағдарлама шаһарда қалай жүзеге асып жатыр? Астары терең, ауқымы кең тақырып ардагерлер кеңесінің кеңейтілген алқа отырысында қаралды.

Мегаполистің ардагерлері кезекті алқа отырысында бас қосты. Басқосуды кеңес төрағасы Кенжехан Төлебаев ашып, күн тәртібіне қойылған мәселелермен таныстырды. Соның бірі мектептердегі біртұтас тәрбие бағдарламасы. 2023-2024 оқу жылында барлық білім беру ұйымдарында енгізілен бағдарламаның орындалу барысы, алдағы жоспарлар жайлы білім басқармасы басшысының орынбасары айтты.

Балаға біліммен қатар дұрыс тәлім-тәрбие керек. Әл-Фарабидің «Тәрбиесіз берілген білім – адамзаттың қас жауы» деген сөзі осының анық айғағы болса керек. Салалық басқармаға балалар арасындағы жат қылықтар, кибербуллинг, әлеуметтік-психологиялық жұмыс жайлы сұрақтар қойылып, ұсыныстар айтылды.

Кеңейтілген алқа отырысында мектеп формасы да айтылды. Бірыңғай мектеп формасы – зайырлы қоғам талабы.  Барлығы бірдей бірыңғай киім кию керек, ал, бұл тақырыпқа қатысты мәселе туындаған жағдайда ата-аналармен жұмыс жасаймыз деді, Гүлнара Дәрібаева.

Алқа отырысында мұнан бөлек әкелер, аналар мектебінің жұмысы, ардагерлер ұйымы жанынан академиялық кеңес құру, «Дәнекер» пилоттық жобасы жан-жақты қаралды. Жалпы, жиынға алқа мүшелері, мектеп директорлары мен орынбасарлары,  білім басқармасы, ішкі саясат және жастар істері жөніндегі басқармасынан мамандар қатысты. Қалалық ардагерлер Кеңесінің кеңейтілген Алқа мәжілісінде қаралған мәселелер бойынша тиісті Қаулылар қабылданды.