Түркістан облысында үшем дүниеге келді. 34 жастағы Гүлназ Мыңжасар осылайша 7 қыздан соң, 2 ұл 1 қызды дүниеге әкеліп, көпбалалы батыр ана атанды. Өмірге келген сәбилерге Қасым, Жомарт, Кемел деген есім берген. Бір ай дәрігерлердің жіті қарауында болған ана мен бала отбасымен қауышты.
Үшемдер мерзімінен бұрын, яғни жүктіліктің 32- аптасында облыстық перзентханада дүниеге келген. Олардың бірінің салмағы 1580 грамм болса, екіншісі − 1640, үшіншісінікі 1610 грам болып туылған. Дәрігерлер үшемдерді алдымен жансақтау бөлімінде тұрақты бақылауда ұстап, тиісті ем-шараларды жасап, кейін палатаға шығарып, күтіп-баптаған.
Отағасы Бақыт Мыңжасар құрылыста еңбек етеді. Келіншегі Гүлназ үй шаруасында. 
«Біздің Президент сияқты болсын деп балаларға Қасым, Жомарт және Кемел деген есім бердік», — дейді үшемнің анасы. Қазіргі таңда көпбалалы отбасы Келес ауданында жалдамалы пәтерде күнелтіп жүр. Ал көп балалы ана бұдан кейін де құрсақ көтеруге дайын екенін жеткізді. Бұл – Түркістан облысындағы жыл басынан бері өмірге келген сегізінші үшем.
