Шаһарда 60 ерікті жас қан тапсырып, донор атанды. Жастармен бірге Ұлттық онкүндік шеңберінде «Өзгеге өмір сыйла» тақырыбында өткен акция бір күнге ғана жоспарланған. Қан донорлығымен белсенділік танытқан азаматтар өздерінің жасаған игі ісімен қоғамға үлгі болып, басқа адамдардың өмірін сақтап қалуға көмектесті. 2024 жылы Халықаралық жастар күнін мерекелеу елімізде 3-12 тамыз аралығында ерекше аталып өтіп келеді. Сол игі бастаманың жалғасы ретінде мегаполисте «Жастармен бірге» ұлттық онкүндік шеңбері аясында бірқатар іс-шаралар ұйымдастырылуда.
Жастар ресурстық орталығының «Өзгеге өмір сыйла» атты акциясы донорлықтың адам өміріне маңызды екенін түсіндірді. Шараға еріктілер, жас спортшылар мен жастар ресурстық орталығының қызметкерлері қатысты. Басты мақсат – жастарға қан мен оның компоненттерін қайта құю арқылы адам өмірін құтқарып, денсаулығына қауіп-қатер төнген жандардың өмірін ұзартуға мүмкіндік бар екенін түсіндіру. Донор болу арқылы өзгеге үміт сыйлау. Донор болу – жүрек-қантамыр және иммундық жүйелер ауруларының, ас қорыту бұзылыстарының, бауыр мен ұйқы безінің алдын алу болып табылады. Айта кетейік, Халықаралық жастар күніне орай 10 бағыт бойынша іс-шаралар ұйымдастырылатын болады.
АНТРОПОЛОГ О.СМАҒҰЛҰЛЫНЫҢ «АБЫЛАЙ ХАНЫНА» РЕПРЕССИЯ ЖАСАЛҒАН ЖОҚ ПА?
ҚАЗАҚСТАН РЕСПУБЛИКАСЫНЫҢ ПРЕЗИДЕНТІ Қ.К. ТОҚАЕВҚА АШЫҚ ХАТ АСА МӘРТЕБЕЛІ ҚАСЫМ-ЖОМАРТ КЕМЕЛҰЛЫ! Адамзат тарихында озық ойлы, ғылыми жаңалығы үшін қудалауға ұшыраған...
