Қариясы бар елдің қазынасы бар. Осыған орай «Жастармен бірге!» ұлттық онкүндік шеңберінде «Қарттарын қадірлеген – ел ардақты» атты арнайы концерттік іс-шара өтті. Жиын барысында танымал жұлдыздар ән айтып, ардагерлердің қуанышына бөленді. Концерттік бағдарлама Шымкент қаласы Ішкі саясат және жастар істері жөніндегі басқармасының «Жастар ресурстық орталығы» КММ-нің ұйымдастыруымен №2 қарттар үйінде жалғасын тапты. Жиынға танымал әртістер өз өнерлерін көрсетіп, қариялардың көңіл-күйін көтерді. Мұндай іс-шаралар қарт адамдарға қамқорлық көрсетудің маңызды бөлігі болып табылатыны сөзсіз. Басты мақсат – жастарды үлкенді сыйлап білуге, халқының салт-дәстүрінен нәр алуға, инабаттылық пен мейірімділікке тәрбиелеу.
Іс-шараға халық арасында әзілдерімен танымал “Million” командасы арнайы келіп, өздерінің ерекше өнерлерімен қариялардың көз қуанышы болды. Айта кетейік, 2024 жылы Халықаралық жастар күнін мерекелеу елімізде 3-12 тамыз аралығында өтіп келеді. Ал мегаполисте “Жастармен бірге!” ұлттық онкүндік шеңберінде 10 бағыт бойынша бірқатар іс-шаралар ұйымдастырылып келеді.
ТҮРКІСТАН ОБЛЫСЫНДА КӨКТЕМГІ ЕГІСКЕ 36,8 МЛРД ТЕҢГЕ БӨЛІНДІ
Көктемгі егін егу жұмыстарына дайындық аясында Түркістан облысы биыл ауыл шаруашылығы саласына ерекше мән беріп отыр. Нұралхан Көшеров Үкімет отырысында...
