Өндіріс басшылары кездесуде шығарған өнімді сату бойынша бірқатар мәселелерін жеткізді. Мәжіліс қабырғасында қызу талқыланған «халықты сапалы дәрі-дәрмекпен қамтамасыз ету» мәселесі аясында депутат «МARAI» зауытына барып, бүгінде еліміздің басым тұрғыны тұтынатын медицининалық бұйымдардың халықаралық стандартқа сай өндірілуімен, сақталуымен танысты. 2017 жылы іске қосылған кәсіпорнының жұмысшыларының ұсыныстарын тыңдады.Мәселе депутаттың және Respublica партиясы Шымкент қалалық филиалының жіті бақылауына алынды.
Руслан Арысбекұлы «Азия Трафо» ЖШС кәсіпорнына барды. «Asia Trafo» – отандық «Alageum Electriс» электр машина жасау саласындағы жетекші өндіруші құрамына кіретін, Орталық Азиядағы кернеуі 110, 220, 500 кВ қуаты 500 МВА дейінгі трансформаторлық жабдықтар шығаратын ең ірі зауыт. 2019 жылы іске қосылған кәсіпорын бүгінде 200-ден астам адамды жұмыспен қамтып отыр. Зауыт өнімдеріне тек ішкі нарықта ғана емес, бүгінде шет елдерден де сұраныс бар.
Мәжіліс депутаты өндіріс орнының сынақ зертханасын, дәнекерлеу-дайындау цехын аралап көрді.
