Спорттық инфрақұрылымға спорт залдары, бассейндер, фитнес орталықтары, стадиондар, ойын алаңдары және белсенді спортпен айналысуға арналған басқа да көптеген нысандар кіреді. Мұндай нысандардың архитектуралық шешімдерін салу және жүзеге асыру – жоғары азаматтық және әлеуметтік жауапкершілікті жүктейді.
Мемлекет басшысы Қасым-Жомарт Тоқаев бұқаралық спорт пен салауатты өмір салтының маңыздылығына тоқталып, саланы дамытуда жергілікті өзін-өзі басқару органдарына демеушілер мен мемлекеттік-жекеменшік әріптестік әлеуетін тиімді пайдалану қажеттігін жеткізген болатын. Бұл ретте тұрғындардың да белсенділік танытуы маңызды. Ол үшін ең алдымен мемлекет тарапынан барлық жағдай жасалуы керек.
Зерттеу нәтижелеріне сүйене отырып, қоғамдық орындарда, аулаларда спорттық құралдарды орнатуды дамытудың нақты қажеттілігі бар деген қорытынды жасауға болады. Спорт инфрақұрылымын және көпфункционалды спорт түрлерін енгізу тәжірибесін дамыту маңызды. Халықтың белсенді бөлігі спортпен айналысуға немесе көруге қызығушылық таныса, сондықтан да бұқараға қолжетімді спорттық нысандар әлеуетті операторы болып табылады.
Спорт жасөспірімнің мінезін шыңдайды. Тұрақты түрдегі жаттығу ерік-жігерді, жеңіске деген ұмтылысты, өзіне деген сенімділікті дамытады. Жеңілісті қабылдауға және эмоцияларды реттеуге үйретеді. Жасөспірімдік шақта балаға ұнайтын спорт түрін табу өте маңызды, әйтпесе ол ойнаудан мүлдем бас тартады.
Бүгінде Шымкентте дене шынықтыру мен бұқаралық спортты кеңінен насихаттауға ден қойылған. Қала тұрғындарының салауатты өмір салтын ұстануына жағдай жасау мақсатында серуендеу алаңдары мен түрлі орталықтар пайдалануға берілуде. Саябақтар мен қоғамдық орындар да азаматтардың жаттығу жасап, дене шынықтыруына қолайлы жасалуда.
Жуырда қала әкімі Ғабит Сыздықбековтің тапсырмасы бойынша жүгіру және веложолы бар жаңа серуендеу алаңы пайдалануға берілді. Жол бойында бірнеше жаттығу алаңдары салынған. Жоба бизнестің әлеуметтік жауапкершілігі аясында жүзеге асырылды. Қазір Нұрсәт шағынауданында, қала әкімдігінің жанындағы саябақта тағы бір жүгіру жолы салынуда.
Айта кетейік, Президент тапсырмасын жүзеге асыру аясында жыл басынан бері Шымкентте салауатты өмір салтын насихаттау және бұқаралық спортты дамыту мақсатында 97 спорттық іс-шара өткізіліп, оған 11 мыңнан астам адам қатысты. Қазіргі таңда мегаполисте 33 спорт ұйымында 74 спорт түрі дамып келеді. Шаһарда №12 спорт мектебі ғимаратының құрылысы жүргізілуде. Құрылыс жұмыстарын ағымдағы жылдың аммаыр айында пайдалануға беру жоспарлануда. Оған қоса №15 спорт мектебінің ғимараты сәуір айында басталып, құрылысына мемлекет қазынасынан 1,8 млрд теңге қаралған.
Сонымен қатар, жыл соңына дейін «SPORT LIFE» шағын футбол орталығын және үш спорт залы бар «ЕЛАМАН» спорт кешенін пайдалануға беру жоспарланып отыр. Аталмыш кешенде спорттық ойын, ойынның жекпе –жек түрлеріне арналған 3 спорт залы және 1 бассейіні бар.
Жалпы елімізде соңғы жылдары Қазақстанда спорттық және туристік инфрақұрылым айтарлықтай жаңғыртылуда.
