Қытайдың Макао қаласында спорттық самбо күресінен Азия мен Океания чемпионаты өз мәресіне жетті. Әлемдік деңгейде өткен жарыста ересектер арасында ерлер мен әйелдер санаты бойынша 200 — ден астам спортшылар бақ сынады. Екі санат бойынша ұлттық құрама 9 алтын, 3 күміс, 1 қола медальмен бірінші орыннан көрінді.
Ұлттық құрама сапында жерлесіміз Бизақ Маржан өнер көрсетіп, 59 келі салмақ дәрежесінде қарсылас шақ келтірмей жеңімпаз атанды.
Бұл маңызды оқиға самбоның спорттық жетістікке ғана емес, халықтар арасындағы мәдени алмасуға ықпал ететін пән ретіндегі маңыздылығын атап өтті.
Қазақстан құрамасы шеберліктің жоғары деңгейін ғана емес, команданың бірлігін де көрсетті. Жеңіс Бизақ Маржан және ұлттық құраманың басқа да жетістіктері спортшылардың жас буынын шабыттандырып, қажырлы еңбек пен адалдық табысқа жетелейтінін көрсетті. Айта кетейік, 29 маусымда Макаода Азия мен Океанияның самбо одағының маңызды конгресі өтті! Іс-шарада өткен жылдардағы негізгі жетістіктер мен болашақтағы даму перспективалары талқыланды. Бұл маңызды оқиға самбоның спорттық жетістікке ғана емес, халықтар арасындағы мәдени алмасуға ықпал ететін пән ретіндегі маңыздылығын атап өтті.
Еліміздің байрағын биікке желбіретуде ерлерден кем түспей жүрген қазақ қыздары жетерлік. Спорт өмірінің ажырамас бөлігіне айналып кеткен осындай батыр қыздардың бірі Маржан Бизақ. 1997 жылы 28 желтоқсанда Түркістан облысы, Ордабасы ауданы Бірлік ауылында дүниеге келген ол самбо күресінен Қазақстанның 10 дүркін, Азияның 4 дүркін чемпионы, әлем чемпионатының күміс және қола жүлдегері. Сондай-ақ, Президент Кубогының иегері, дзюдо және белбеу күресінен Қазақстанның 2 дүркін чемпионы.
«Ақылына көркі сай» демекші, бойжеткеннің бойында сұлулық пен зеректік өзара үйлесім тапқан. Спортқа деген құштарлығы мен сүйіспеншілігі шексіз.