Қала әкімі Ғабит Сыздықбеков Тұран-2 шағын ауданында жаңа стадионның құрылыс алаңына капсула салу рәсіміне қатысты. Тарихи оқиғаға футбол ардагерлері мен қоғам белсенділері, «Ордабасы» клубының қызметкерлері, бапкерлері мен ойыншылары, БАҚ өкілдері мен жергілікті футбол жанкүйерлері де куә болды.
21 гектарды алып жатқан аренаның сыйымдылығы 35 мың адамды құрайды. Стадион құрылысын 2026 жылы аяқтау жоспарлануда. Жаңа спорт нысаны халықаралық матчтарды өткізуге арналған УЕФА талаптарына сәйкес бой көтереді. Архитектуралық дизайнмен салынатын сәулетті стадион мегаполистің көркін арттырып қана қоймай, әлемдік деңгейде өтетін спорттық ойындарды тамашалауға келетін жанкүйерлер мен қонақтарға жайлылық сыйлайтыны анық. Яғни, спорттық туризм дамиды. Еліміздің ібіршама аймағында жергілікті тұрғындар мен саяхаттап келген шет елдік туристердің спортпен айналысуына қолайлы орта, қажетті инфрақұрылым бар. Астана, Алматы қаласындағы ірі стадиондар мен спорттық кешендердің қатарын толықтыратын мегаполистегі жаңа нысан республикалық, халықаралық деңгейдегі жарыстардың тұрақты өтетін орнына айналары сөзсіз. Капсула салу рәсіміне қатысқан шаһар басшысы құрылыс барысын ұдайы назарда ұстап отырса, Шымкенттегі жаңа стадион тек, қаланың ғана емес, Қазақстанда спорттық туризмді жаңа деңгейге көтереді.
Мегаполистегі осыған дейінгі стадионның іргетасы 1969 жылы қаланған еді. 18 мың адамға лайықталған стадион. \Заманауи арена халықаралық деңгейдегі спорттық іс-шараларды өткізуге, қаланың спорттық имиджін жақсартуға, жергілкті халықтың спортқа деген қызығушылығын арттыруға мүмкіндік береді. Сонымен қатар туризмді дамытуға да ерекше серпін береді.
