Шымкент қаласы әкімінің қатысуымен қалалық мәслихат депутаттарының кезекті сессиясы өтті. Отырысқа қала әкімінің орынбасарлары, бөлім басшылары мен мәслихат депутаттары қатысты. Сессия барысында депутаттар облыс орталығындағы бірқатар өзекті мәселені талқылады.
Депуттатар күн тәртібінде 12 мәселені жіті қарап шешім шығарды. Бүгінгі сессияда қаладағы мемлекеттік органдардың есептері тыңдалып, бірқатар маңызды шешімдер қабылданды.Жиынға қатысушылар
атқарылатын жұмыстардың жоспарын талқылады. Сессия барысында депутаттар әлеуметтік маңызы бар жобалар мен іс-шараларға, сондай-ақ республикалық бюджеттен қаржыландырылуы қысқартылған инфрақұрылымдық жобаларға бағытталған бюджетті нақтылауды қолдады.
Жыл басынан бері үшінші мегополисте тындырымды істер жетерлік. Ауыз су, қаланың ішкі және сыртқы жолдары, жарықтандыру, жұмыссыздық, мектеп салу сынды ауқымды мәселелер кезең-кезеңімен атқарылуда. Қаланың бюджеті де былтырғы жылмен салыстырғанда біршама өскен. Тұрғын үй жобалары да кезең бойынша кезегі келген жандарға берілген. Жиын соңында Ғабит Сыздықбеков сессия жұмысында айтылған ұсыныстарды қолдағандары үшін депутаттар корпусына алғысын білдіріп, халықтың өтініші негізінде қойылған депутаттық сауалдар бойынша тиісті жұмыстар жүргізілетінін айтты.
