Дәрігер,фельдшер, жедел-жәрдем қызметкерлері мен санитарлар.Маусым айының үшінші жексенбісі денсаулық саласында жанқиярлықпен еңбек етіп жүрген осы жандардың кәсіби мерекесі. Бұл тізімдегі әрбір мамаманның өз орны бар. Бірі жоқ болса, нәтижелі жұмыс істеу мүмкін емес. Сондықтан мейрам иелері қашан да ерекше құрмет пен қошеметке лайық.
Соңғы жылдары аймақтың денсаулық сақтау жүйесі айтарлықтай өзгерді. Медициналық мекемелердің инфрақұрылымы кезең-кезеңімен жақсаруда, жаңа емханалар мен медициналық пункттер салынып, дәрігерлер мен медицина қызметкерлерінің жалақысы мен әлеуметтік қолдауы артуда. Сонымен қатар, өңірдің денсаулық сақтау саласы жоғары технологиялық емдеу әдістерін дамытумен, алғашқы медициналық-санитарлық көмектің заманауи моделімен және профилактикалық скринингтердің жаңа түрлерін енгізумен сипатталады. Қала әкімінің орынбасары Сәрсен Құранбек өңірдің медицина саласының жетістіктерін атап өтіп, медицина қызметкерінің кәсіби мерекесі күнтізбедегі ерекше күн және дәрігер мамандығы үлкен құрметке лайық екенін атап өтті.
Бүгінде қала халқы медициналық ұйымдарда дәрігерлік көмек алуда, онда 11 мыңға жуық адам жұмыс істейді, оның ішінде 5 мыңнан мыңнан астам орта және кіші буын медицина қызметкерлері еңбек етуде. Сізден, ақ халатты абзал жандар, халық кез-келген уақытта көмекке келуде кәсіби біліктілік пен дайындықты ғана емес, сонымен бірге жылы жүрек пен шынайы жанашырлықты, моральдық қолдауды күтеді. Сіздерде осы қасиеттердің барлығы бар!», — деп атап өтті Нұрлыбек Асылбеков.
