Ақтөбе облысының Төтенше жағдайлар департаменті Өрт қауіпсіздік кезеңде орман және дала өрттерінің алдын алу және сөндіру бойынша іс-шаралар жүргізуде, деп хабарлайды ҚР Төтенше жағдайлар министрлігінің баспасөз қызметі.
Орман-дала өрттерінің туындауын болдырмау мақсатында Департамент қызметкерлері шөптің жануына жол бермеу бойынша халықпен рейдтер мен нұсқаулықтар жүргізуде. Сондай-ақ, Жергілікті полиция қызметі, орман шаруашылығы қызметкерлерінен өрт қауіпсіздігі талаптарын бұзушыларды анықтау мақсатында орман алқаптарын патрульдеу үшін мобильді топтар құрылды.
Профилактикалық іс-шараларды өткізу кезінде қызметкерлер халықпен өрт қауіпсіздігі талаптарын сақтау мәселелері бойынша түсіндіру жұмыстарын жүргізеді, сондай-ақ өртпен байланысты төтенше жағдайлар қаупі және туындауы кезіндегі іс-қимылдар туралы айтады.
700 тұрғынға нұсқау беріліп, ауыл шаруашылығы өндірушілерімен және шаруа қожалықтарымен 163 жиын өткізілді. Бес мың үгіт материалдары таратылды. Түсіндіру жұмыстарын жүргізу үшін Департаменттің және Өрт сөндіру қызметінің азаматтық қорғау органдарының 228 қызметкері жұмылдырылды.
Алайда, жүргізіліп жатқан профилактикалық іс-шараларға қарамастан, көптеген жанудың пайда болу себебі адами фактор болып табылады. Осындай өрттердің пайда болуына темекі шегушілер мен табиғат әуесқойлары кінәлі. Маусым басталғаннан бері 321 адам әкімшілік жауапкершілікке тартылды.
Өрт қауіпті кезеңнің басталуымен өрт жағдайы күрделене түседі. Әдетте, осы кезеңде құрғақ шөпті, қоқысты рұқсатсыз жағу орын алады, орман өрттері жиі пайда болады.
Режимнің әрекет ету кезеңінде ашық отты және қоқысты жағуға, сондай-ақ кез келген өрт қауіпті жұмыстарды жүргізуге тыйым салынады.
Былтырғы құрғақ шөпті жағу жер үшін пайдалы, оны күлмен құнарландырады деген жалған пікір бар, сондықтан көптеген азаматтар шөпті арнайы жағуды ұйымдастырады.
Профилактикалық іс-шараларды өткізу кезінде қызметкерлер учаскелердің иелеріне өрт сөндіру құралдарының тұрақты дайындықта болуы міндетті екенін еске салды. Мысалы, су бөшкесі мен шелек. Өрт сөндіргішті, сондай-ақ өрттің алғашқы ошақтарын сөндіретін мүкәммалды сатып алған дұрыс. Электр тұрмыстық электр, газ аспаптары мен пештерді жарамды күйде ұстау, оларды пайдалану кезінде сақтық шараларын сақтау қажет. Жеке үйлердің меншік иелері учаскелерді қоқыстан, құрғақ шөптен уақтылы тазалауды қамтамасыз етуге міндетті. От жағуға, үйлерде тез тұтанатын және жанғыш сұйықтықтарды сақтауға, сондай-ақ жанғыш газдары бар баллондарды сақтау жол бермеңіз.
Тағы да естеріңізге саламыз, егер Сіз балалармен бақшада демалсаңыз – олардың ойындарын бақылаңыз немесе бос уақытын ұйымдастырыңыз. Есіңізде болсын, балалар отпен байланысты барлық нәрсеге өте қызығушылық танытады.
Егер сіз тұтануды байқасаңыз-дереу «101» немесе «112» телефоны бойынша өрт қызметін шақырыңыз.
Ақтөбе облысы ТЖД баспасөз қызметі
