Медицина орнында тұрған жоқ. Күннен күнге қарыштап дамуда. Біздің елімізде де көштен қалмай бұл салада көп жетістіктерге қол жеткізуде. Мемлекеттің қаржыландыруының арқасында мамандар шет елдердегі әріптестерімен тәжрибе алмасып, біліктілік арттырса, соңғы үлгідегі медициналық құралдар емханалар мен ауруханалар толығымен жабдықталуда. Нәтижесінде бұрынғы күрделі жасалатын оталар жеңілдеп, емделмейді деген дертке дауа табылуда. Президент Қасым-Жомарт Тоқаев өз Жолдауында «Медицина саласына қомақты қаржы құю керек.
Бұл қаражат инфрақұрылымға, маман даярлауға және халықты дәрі-дәрмекпен қамтамасыз етуге жұмсалуға тиіс.
Фармацевтика өнеркәсібіне ерекше көңіл бөлу қажет.
Вируспен күрес кезінде дәл осы сала еліміздің бәсекеге қабілеті мен қауіпсіздігі үшін маңызды екеніне көзіміз жетті. Сондықтан, медицина өнімдерін Зертханалық және техникалық сынақтан өткізетін орталық құруымыз керек. Жаһандық фармацевтикалық корпорациялармен ынтымақтастықты жандандырған жөн. Инвесторларды тартып, озық технологияны және осы саладағы жаңа зерттеу жұмыстарын игеруді қолға алу керек. Отандық тауар өндірушілермен жасалатын оффтейк келісім шарттарының көлемін арттырып, өнім түрін көбейту қажет», деп медицина саласында бірқатар тапсырмалар жүктеген болатын.
Президенттің осы және де медицина саласындағы өзге атпсырмалары Шымкент қаласында да қарқынды жүзеге асуда.Оған дәлел бүгінде әлеуметтік аурулардың қатарына жатқызылған қан диабеті дертін емдеуді көптиеген инновациялық әдістер қолданылуда.
Мәселен, қант диабеті асқынған науқастарға шұғыл хирургиялық көмек көрсету үшін қалалық №2 аурухана базасында диабеттік табан бөлімшесі ашылған.
Аурухана дәрігерлері диабеттік табан синдромымен келген пациенттің аяқ ампутациясын алдын алу мақсатында эндоваскулалы баллонды ангиопластика, яғни стенттеу отасын жасайды. Тіліксіз ота арқылы науқастың аяғын аман алып қалуға болады.
Операция кезінде хирургтар катетерді артерияға енгізу арқылы тамыр қабырғаларын баллонмен кеңейтіп, стент орнатып береді.
Мұндай әдіс қан ағымын жақсартып, жараның жазылуына жақсы ықпал етеді. Сәйкесінше қант диабетімен ауыратын науқастардың өмір сапасын жақсартады.
Қант диабеті – зат алмасу, әсіресе көмірсу алмасу бұзылуымен сипатталатын эндокриндік жүйе сырқаты. Инсулин жетіспеушілігінен диабетпен ауратын адамдардың қан құрамында жоғары глюкоза шоғырланған.
Инсулинге тәуелді диабет жиі вирус індеті, аутоиммундық сырқаттар, күйзеліс жағдайлары нәтижесінде қалыптасады. Инсулинге тәуелді диабеттің дамуына негізінен семіздік, жүріс-тұрысы аз өмір салты және дұрыс тамақтандау әкеліп соғады.
Қант диабетінің басты себебі — генетикалық бейімділік. Сонымен қатар, оған себеп болуы мүмкін: дененің артық салмағы; ұйғы безінің аурулары; аутоиммундық бұзылулар; қан-тамыр жүйесінің аурулары; жүйке күйзелісі; жарақаттар, вирустық індет; егде жас; гармондық бұзылулар.
Қант диабетінің симптомдары:
Алғашқы белгілер. Әдетте ерлер мен әйелдерде қант диабеті білдіртпен, ептеп дамиды, сол себепті бастапқы кезеңде симптомдарды анықтау өте қиын. Анық диагностикаға тиісті талдамалар тапсыру қажет, қан құрамындағы глюкоза нормасы 1литрге 3,5- 6, 5 ммоль.
Егер сіз айтылған көрсетілген бастапқы белгілердің бірнешеуін өзіңізде аңғасаңыз, сізге не дәрігерге жүгіну керек немесе өзіңіз қан құрамындағы қант деңгейін тексеру қажет.
