Адамның құқығы мен бостандығы Заңмен қорғалуы тиіс. Ата Заңның алғашқы бабында осылай жазылған. Дегенмен, азаматтар Конституциядағы міндеттері мен мүмкіндіктерін дұрыс қолдана алмағандықтан, жапа шегіп жатады. Сондай-ақ, елімізде өзін қорғай алмаған жағдайда халықаралық ұйымдар арқылы құқығы мен бостандығын бекемдей алады. Адам құқықтары жөніндегі комиссия өкілдері Шымкентке жұмыс сапарымен келіп,«Қазақстандағы адам құқықтарын қорғаудың ұлттық және халықаралық тетіктері» тақырыбында семинар-тренинг өткізді.
Адам құқығы мен бостандығының бұғауда қалуының үштігін адам саудасы толықтырып тұр. Яғни, құлдықтың заманауи формасы ретінде енген мәжбүрлі еңбек, органдарын сату, қарызға батыру немесе құлдыққа ұқсас жағдайдағы балалар еңбегі, тұрмыстық, жыныстық және мәжбүрлі неке сияқты құлдықтың неше түрі дамыған. ҚР Президенті жанындағы Адам құқықтары жөніндегі комиссия осы мәселелер төңірегінде ой қозғап, пікір алмасып, кеңес беруді мақсат еткен.
Семинар-тренинг жұмысына қатысқан қала әкімінің орынбасары Сәрсен Құранбек адам құқықтарын қорғаудың ұлттық жүйесі жөнінде ой қозғады.
Жиынға жергілікті құқық қорғау және сот органдарының, халықты әлеуметтік қорғау, білім беру, денсаулық сақтау, мәдениет мекемелерінің қызметкерлері қатысты. Комиссия мүшелері оларды адам құқықтарын қорғаудың ұлттық және халықаралық жүйесімен, ел аумағында тұрақты немесе уақытша тұратын өзге де адамдардың азаматтық, еңбек, әлеуметтік-эконрмикалық және мәдени құқықтарын қорғау, тұрмыстық зорлық-зомбылық тақырыбы аясында оның алдын алу, әрі шешу тетіктерімен таныстырды.
Семинар-тренинг барысында тыңдаушылар БҰҰ адам құқықтары саласындағы шарттық органдарының бақылау функциясымен, құзыретімен танысып, БҰҰ-ның тиісті комитеттерінде азаматтардың жеке шағымдарын қарау тетіктерін талқылады. Аталған мәселелер аясында құқығы мен бостандығын қореағысы келген азаматтар ҚР Президенті жанындағы адам құқықтары жөніндегі комиссияның ресми сайтынан сәлімет, кеңес ала алады.
