АУЫЛ ШАРУАШЫЛЫҒЫНДАҒЫ ІЛКІМДІ ІСТЕР

Шымкент қаласының ауыл шаруашылығы және ветеринария басқармасының ұйымдастыруымен *баспасөз-туры* өткізілді. Шара барысында БАҚ өкілдері бірқатар ауыл шаруашылығы нысандарының қызметімен танысты. Бүгінде қала аумағында ауыл шаруашылығы өнімдерін қайта өңдеуші 50-ден астам кәсіпорындар жұмыс жасауда. Оның ішінде сүтті қайта өндеумен айналысатын 8 кәсіпорын жұмыс жасауда. Олар бүгінгі күнге дейін 50 мың тонна сүтті қайта өндеп, 500 тонна сары май, 3 000 тонна қатты ірімшік өндіруде. Қазіргі таңда, «Өңдеуші кәсіпорындардың ауылшаруашылық өнімін тереңдете өңдеп өнім өндіруі үшін оны сатып алу шығындарын субсидиялау» бағдарламасы аясында сүтті қайта өңдеп қатты ірімшік пен сары май өндіруші 8 кәсіпорындарға мемлекеттік қолдаулар көрсетіліп, жыл сайын қуаттылығы артып келеді. Солардың бірі – «INTERMILK KAZAKHSTAN» ЖШС. Аталған кәсіпорынның негізі 2001 жылы қаланып, алғашында 10 адаммен жұмысын бастаған.Жылына 2 000 тоннадан астам сүтті қайта өңдеп, қатты ірімшік өнімін өндіріп, ішкі нарықты толықтай қамтамасыз етіп, қалған бөлігі Қазақстанның барлық қалаларына жіберіледі. Бүгінгі таңда мемлекеттік қолдаудың арқасында кәсіпорынның қуаттылығы артып, қатты ірімшік өндірісін дамытуда. Сонымен қатар, кәсіпорын қала аумағында бағаны тұрақтандыру мақсатында өткізілетін жәрмеңкелерге қатысып, азық-түліктің бағасын тұрақтандыруға өз үлесін қосуда. Сонымен қатар, алдағы уақытта шет елдерге өнімдерін экспорттауды жоспарлауда. Ксм: Айта кетейік, Шымкент қаласының Қайнар-бұлақ тұрғын алабы ауданында ауыл шаруашылығы өнімдерін терең өңдеу бойынша жалпы ауданы 132 га «Бозарық» тамақ өнеркәсібінің индустриялық аймағын құру бойынша жұмыстар жүргізілуде. ​Агроөнеркәсіптік кешенді дамытудың мемлекеттік бағдарламасы аясында құрылып жатқан индустриялық аймақтың 2023 жылы инженерлік-инфрақұрылымдық желілерін салуды аяқтау жоспарлануда. Бұл аймақта 23,0 млрд теңгеге 27 инвестициялық жобалар жүзеге асырылып, 1800 астам жұмыс орындары ашылатын болады. Бір топ Бақ өкілдері әрімен қарай «Ифтихари» жылыжай шаруа қожалығында болды. Қазіргі таңда қала аумағында агроөнеркәсіп саласы бойынша жалпы жұмыс жасап тұрған аумағы 139 га құрайтын өнеркәсіптік және фермерлік жылыжайлар кешені қалыпты жұмыс жасауда. Шаруа қожалықтарына мемлекет тарапынан қолдаулар көрсетілуде. Атап айтқанда: 2023 жылы өнімділікті арттыру мақсатында: минералды тыңайтқыштардың құнын субсидиялау бағдарламасы бойынша, тұқым шаруашылығын дамытуды субсидиялау бағдарламасы бойынша, пестицидтердің, биоагенттердiң құнын субсидиялау бағдарламасы бойынша қолдау көрсетілуде.  Мемлекеттік қолдау алып жүрген шаруа қожалықтың бірі «Ифтихари» ШҚ өндірістік жылыжай кешені 2013 жылы іске қосылды. Жылыжай кешені Шымкент қаласы, Мәртөбе тұрғын алабында орналасқан, жалпы аумағы 2 гектарды құрайды. Шымкент қаласында «Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау» бағдарламасымен 2023 жылға жергілікті бюджет қаражаты есебінен ауыл шаруашылығы тауар өндірушілерге ірі қара, қой, жылқылардың аналық басына арналған жем-шөп сатып алу шығындарын арзандату бойынша 234,1 млн теңге қаржы қаралған. Мемлекеттен қолдау алып жүрген шаруа қожалықтардың бірі «Алтынсай» ШҚ. Өз жұмысын 2016 жылдан бастаған. Алғашында 500 бас ірі қара мал бордақылаудан бастаған жас кәсіпкердің шаруашылығында бүгінде 1000 бас жылқы және 1000 бас ірі қара мал бар. Бұған қоса адам ағзасына өте пайдалы, түрлі ауруларға шипа бөдене асырауда. Қазіргі таңда 40 мың бөденеден жұмыртқасы мен етін қала аумағында көршілес облыстар мен Астана қаласына дейін жеткізуде. Бұған қоса шаруашылықта жылына 650 тонна жылқы еті және 750 тонна ірі қара мал еті өндіріледі.