Шымкентте «Достық дастарханы» жайылды. Өзбек этно-мәдени орталығының ұйымдастыруымен халықаралық фестиваль ұйымдастырылып палау пісірушілер аспаздық өнерін паш етті. Тәжікстан, Өзбекстан және еліміздің он саусағынан бал тамған аспазшылары бас қосқан шара өте қызықты өтті.
2010 жылдан бастау алған шара ағымдағы жылы 13-ші рет ұйымдастырылған. Биылғы фестивалдың өзіндік ерекшеліктері де бар. Яғни аспазшылар арасында жеңімпаздар іріктелмейді. Яғни ас дайындауда шеберліктерін көрсетуге келегендердің барлығына дерлік бағалы сыйлықтар табысталады. Осылай деген Қазақстан өзбектері «Дустлик» қауымдастығының төрағасы Икрамжан хашимжанов биылғы шараға 43 аспазшы қатысып жатқанын атап өтті.
Айдар таққан атауының өзі достыққа, ынтымақ пен бірлікке шақырған шара көпшіліктің көңілінен шықты. Негізінен Дүниежүзінде 150 ден астам мемлекеттер палауды жесе 33 ұлттың Ұлттық тағамы. Осы рете айта кетсек, дәстүрлі шараның жыл сайын ауқымы кеңейіп келеді. Мәселен өткен жылы 41 аспазшы 41 түрлі палау басса биыл ас дайындаушылардың саны артқан.
«Достық дастарханы» деген атаумен ұйымдастырылған байқау республика күніне орайластырылған. Шара барысында елдің бірлігімен достығын нығайтуға үлес қосып жүрген азаматтар марапат төрінен көрінді. Бірінің иығына шапан жабылса енді біріне құрмет грамотасымен арнайы медалдар табыс етілді.
Аспазшылар Әдеттегі күріш, ет пен сәбізден бөлек бірі анар қосып әсемдесе, кейбірі бөдененің еті мен жұмыртқасын да пайдаланған. фестивальде орын берілмегенімен ас дайындаушылар он саусағының өнерін көрсетіп бақты. Көптің көңілінен шыққан шара келер жылыда өз жалғасын табады деп күтілуде.
