«Мектепке жол» қайырымдылық акциясы еліміздің барлық білім ошақтарында жаппай жүзеге асуда. 1-тамыз бен 30-қыркүйек күндері аралығында өтетін акцияға қатысушы демеушілер де, оқушылар да аз емес. Ондағы мақсат — көпбалалы немесе аз қамтылған отбасыдан шыққан балалардың мектепке келмей қалу жағдайын болдырмау және көмек көрсету. Осы республикалық акция аясында «ПетроҚазақстан Ойл Продактс» ЖШС-і №99 мектеп-гимназиясының оқушыларына арнайы мектеп киімдерін сыйға тартты.
Айта кетейік, биыл мемлекет тарапынан мектеп құралдарына берілетін бір реттік қаржылай көмекті алуға бұл мектеп бойынша 550 ата-анадан өтініш келіп, тиісінше әр балаға 41 мың теңгеден есептегенде жалпы 22 млн 550 мың теңге көмек көрсетілген. Одан бөлек, бүгін міне «ПетроҚазақстанОйлПродакст» мекемесі 65 бүлдіршінге қолдау көрсетті. Сонымен қатар қамқоршылық кеңестің демеушілігімен 46 оқушы да акцияға қатысуға мүмкіндік алды. Алғашқы қоңыраудың соғылуына санаулы күндер қалғанда жаңа формаға ие болған оқушылар да және олардың ата-аналары да қуанышты. Сол үшін ұйымдастырушыларға, демеушілерге алғысын жаудыруда.
