Халықаралық жастар күніне орай, үшінші мегополисте Жастар ресурстық орталығының ұйымдастыруымен «Базар жастар лигасы» турнирі басталды. 2 аптаға созылатын бұл байқау базар және сауда орындарындағы жастарға салауатты өмір салтын насихаттау. Турнир екі кезеңді қамтиды. Бірінші кезең — ұлдар арасында футболдан, екінші кезең — қыздар арасында волейболдан өтеді. Айта кетейік, қыздар арасындағы волейбол жарысы турнирге биыл алғаш рет қосылып отыр. 2 аптаға созылатын жарыстың алғашқы ойынын жігіттер ала доппен ашып береді, әр кезең 1 апта жалғасын тауып, жұма күндері марапаттау кеші өтеді. Ұйымдастырушылардың айтуынша, биыл тек базар құрамалары ғана емес сауда орындарындағы жастар да өз өтінімдерін берген. 200-ге жуық өтінім түсіп, ережеге сәйкес, 160 жастан тұратын 16 команда жасақталған. Ашылу рәсіміне «Жастар ресурстық орталығының» басшысы қатысып, барша жастарды халықаралық жастар күнімен құттықтап, турнирге сәттілік тіледі. Турнирдің мақсаты — базар және сауда орындарындағы жастарға бос уақытын тиімді ұйымдастырып, жастар арасында бұқаралық спортты наихаттау. Жарысқа 14 жастан бастап 35 жас аралығындағы ерлер қатысуда. Ерлер арасындағы футбол жарысына Дене шынықтыру және спорт басқармасымен бекітілген 4 төреші алқасы тартылған. Ұлдар арасындағы апта бойына жалғасқан турнир — 11 тамыз күні аяқталып, марапаттау рәсімі өтеді. Турнир ережесі негізінде 1,2,3 орын иегерлері анықталып, Ішкі саясат және жастар істері жөніндегі басқармасы басшысы атынан арнайы дипломдар мен жеңімпаз командаға кубок табысталады. Турнирдің екінші кезеңі 14 тамыз күні қыздар арасында волейболдан өтетін болады.
By Айғақ медиа
